AMSAL 19:6 - Alkitab Singog In Mongondow Masa In Tanaa

⁶ Komintan intau in moḷongasibí sinbá koibog in intau moponting; bayongan in intau moibogbí moyobayat in intau inta moibog motuḷung.

AMSAL 19:6 Mawu Ofanana

KINOBAḺIAN 42:6

Intau inta nopotaḷui in gandum kon intau mita inta nongkon ḻipú-ḻipúannea tua in ki Yusupbí, gubernur in Mesir. Tuamai ki guya-guyangnea mita namangoi bo sinumungkud kon tayowonnea.

KINOBAḺIAN 43:15

Onda intua ki utat mita i Yusup nodia kon tombuinag mita tatua bo doit inta kobayongnea kodua ná inta muna dinia, bodongka nobuat minayá in Mesir noyotakin i Benyamin. Naonda in noyaput kon tua, mosia in minayádon kon tayowon i Yusup.

MAZMUR 45:12

Koḷoḷunatmu in mokoḻiai kon gina i datu, sia in ki tuangmu, kotoinduduidon kon inia.

AMSAL 16:15

Kopopia in gina i datu mokopoangoi kon kobiagan motompia, naonda bo goḷom mopoḷabú in uyan kon tungkuḷ in pononinggai.

AMSAL 17:8

Oyúon in morai kon doit sogó in mokopoangoibí kon inta mokoherang; pongin doit sogó yagi-yagi in koaidanbí.

AMSAL 18:16

Tombuinag momukat kon daḷan bo mogatod kon intau mayá kon intau mita moḷoben.

AMSAL 19:12

Torú in datu naonda bo ganggor in singa; kopopia in datu naonda bo oḷú inta momobat kon mobobiag mita.

AMSAL 21:14

Sinbá moonow in torú bo napusu, yo uni-unidon mako bo ogoiai in tombuinag.

AMSAL 29:26

Mobayong in intau mokikoontong kon mongongawasa, táe inta mobogoi in inta moadil, in tongábí ki Tuhan.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.