AMSAL 19:5 - Alkitab Singog In Mongondow Masa In Tanaa

⁵ Intau inta monguboḷ kon pongadilan, diábí moisimparut kon hukuman.

AMSAL 19:5 Mawu Ofanana

DATU MITA IMITÁNEA 13:18

Dá nabi nogoguyang inta nongkon Betel tatua in nonguboḷ kon inia, takin noguman, “Akuoi in nabibí doman ná Iko. Podudui doman in parenta i Tuhan malaekat tobatú ain nopotabá kon inakó monontomu kon inimu poḷat mogoḷud in kaanon kon baḷoiku.”

DATU MITA IMITÁNEA 2:9

Táe naa in koyowku kon inimu: dika pomayá mako in sia moiḷuat nongkon hukuman. Kinotaauankubí kon iko nion in mobijaksana; dá, umpakabí in sia ain nogoguyang, ḷongasidon sinbá hukumon matoi in sia.”

MAZMUR 56:7

Mosia in moyosipun kon tampat noiadop, motarap mako kon bayongan inta aidanku, bo motayak kon kasampatan moḻimod kon inakó.

IḶUAIAN 20:16

Dika moponapud in uboḷ kon intau ibanea.

IḶUAIAN 23:1

“Dika mopotáa-taau mako in habar diá totuu, bo dika motuḷung kon intau moraat inta nopoyaput in ouman diá totuu.

AMSAL 14:25

Aka sakusi tobatú mosingog kon totuu, yo sia in moposaḷamat kon kobiagannea; aka monguboḷ in sia; yo sia in momaḻidawan kon tumpaḷa intau.

AMSAL 14:5

Sakusi inta mojujur tantúbí moguman kon onu inta totuu, sakusi inta diá motaau pirisayaan tantúbí monguboḷ.

AMSAL 19:9

Intau inta monguboḷ kon pongadilan notantú bidon kon hukumon bo yopúon.

AMSAL 21:28

Sakusi inta mouboḷ in diábí pirisayaan; táe tosingogon in intau inta nonotaau in kinobobaḻí in pelekara, in tarimaanbí.

DANIEL 6:24

Totok in nopia in gina i datu bo pinarentaneadon sinbá ki Daniel in poḷuaiondon kon angob tatua. Naonda in inaidandon in parenta tatua, noniata magí yo diábí in kekeb topiḻikmai kon i Daniel, sin sia in nopirisaya kon i Allahnea.

ULANGAN 5:11

Dika pomuḷoi mako in kinotango-tangoinea kon tangoi-Ku, sin Akuoi, ki Tuhan Allahmu, mohukum kon i ineka inta mopomia ibo-ibog kon tangoi-Ku.