AMSAL 19:21 - Alkitab Singog In Mongondow Masa In Tanaa

²¹ Intau mobayong in tomayá, táe tongábí onu in sinantú i Tuhan in mobaḻí.

AMSAL 19:21 Mawu Ofanana

KINOBAḺIAN 50:20

Moiko ain noyopakat sin mogaid kon inta moraat kon inakó, táe ki Allah ain nomaḷui kon inta moraat tua nobaḻí kopiaan, sinbá pinongin onu inta ain nobaḻí koḻipod tua mobayong intau inta nobiag masai naa in motaau posaḷamaton.

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

ESTER 9:25

Táe ki Ester in minayá kon tayowon i datu, bo ki datu in nobogoi in parenta pinais inta nokopopisí kon tomayá moraat inta inaidan i Haman in bui noiuma kon inia tontaní, dá sia bo ki adínea mita in pinopobambé kon oigi pobobambéan.

AYUB 23:13

Ki Allah tua in diábí mobaḷu-baḷui; diábí in mokoḷawang kon i-Nia. Sia in mopobayábí onu inta kinoibog-Nea.

MAZMUR 21:11

Nongkon buí monia diá in kinotaḻiban, ki datu in moyompatbí kon i monia komintan.

MAZMUR 83:4

Mosia in nonomayá kon diá mopia monayow kon umat-Mu; bo noyosingogdon kon monayow kon intau mita inta iḷukadan-Mu.

AMSAL 12:2

Intau mopia kinosanang i Tuhan, táe intau inta monomayá kon inta moraat in motarimabí kon hukuman.

AMSAL 16:1

Intau in motaaubí in momia kon tomayá, táe ki Allahbí in monantú.

AMSAL 16:9

Intau in motaaubí momia kon tomayá, táe ki Allahbí in monantú kon daḷan kobiagannea.

AMSAL 19:22

Sipat inta oḷaton mako kon intau tobatú in kotoinduduineabí. Mopia-piabí kon bogá dika in mobaḻí mouboḷ.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

YESAYA 14:24

Ki Tuhan Inta Totok in mokawasa in nongibot: “Inta ain sinomayá-Ku tua in notantú bidon kon aidanbí.

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

YEREMIA 44:29

Akuoi in mopoangoibí in bodito kon inimu kon tampat tanaa sin moponiata kon inimu kon hukuman inta sinomayá-Ku kon i monimu, in totu-totuubí kon mobaḻí.

YEHEZKIEL 20:32

Moiko in moibog tumongkai kon bangusa mita ibanea bo intau mita inta nogutun kon butá mita ibanea inta nosumba kon pangkoi in kayu bo batu. Táe ibogmu tua in diábí kodapotan.’ ”

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

PETRUS 1 2:8

bo “Tuata in batu inta nobaḻí kopopintudan in intau, batu inta mokopopisí kon i monia moḷabú.” Mosia in moipintud sin mosia diá mopirisaya kon singog i Allah. Natuabí in sinantú i Allah kon i monia.

YUDAS 1:4

Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.