AMSAL 18:6 - Alkitab Singog In Mongondow Masa In Tanaa

⁶ Aka intau bodok mosingog, mokopomuká in sia kon ropatoi bo mopoigum sambokon.

AMSAL 18:6 Mawu Ofanana

AMSAL 12:16

Aka intau bodok kosigidan, yo kon dodaipa doman tuata bo potaaunea in nakit in ginanea; táe intau mobijaksana in diábí pandungonneamai aka potaḷáan.

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.

AMSAL 14:16

Intau mopia in umuranbí mokopoingat bo yumayú kon inta moraat, intau bodok in tumorú totok, bo mokorasa kon moaman.

AMSAL 14:3

Popisí in ḷoḷatúnea, dá intau bodok dumuí tontaní; intau mobijaksana in ḷukadanbí in tosingogonnea tontaní.

AMSAL 17:14

Momangkoi kon rogenggeng in naonda bo mobuká kon daḷan in tubig; tuamai in undokdon wakutu in diápa momangkoi in rogenggeng.

AMSAL 19:19

Biódon mako in intau inta moḷongka-ḷongkang mako in tumorú motarima tontaní kon bungainea. Aka iko motuḷung kon inia, iko in tongábí modugang kon torúnea.

AMSAL 19:29

Intau bodok inta motosiḷantud notantú bidon kon bongkugon.

AMSAL 20:3

Tongábí intau bodok inta moibog morogenggeng; aid inta dayowon in yumayúbí kon rogenggengan.

AMSAL 22:10

Untundon in intau inta moibog moningkuḻe, dá mogogaidon in ropatoi, sosaturuan bo mosipotaḷáan.

AMSAL 25:24

Mogutun kon siku in ḷuntung in mopia-pia nongkon mogutun tobaḷoian in buḷoi bobay inta moibog mobobayowan.

AMSAL 27:3

Batu bo bungaion tua in mogaanpabí, aka poyobandingonmai in nakit in gina popisí in intau bodok.

AMSAL 29:9

Aka intau mobijaksana bo intau bodok mopelekara, intau bodok tua in tongábí momarontak bo kumosing dá mokopomukádon kon dowawá.