AMSAL 18:5 - Alkitab Singog In Mongondow Masa In Tanaa

⁵ Diábí mopia in moduḷu kon intau moromú bo mondorot kon intau inta diá kotaḷá.

AMSAL 18:5 Mawu Ofanana

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

MAZMUR 82:2

“Dika bidon monisig takin tombogá, bo dika dumotá kon intau moraat.

IḶUAIAN 23:2

Dika moibog moyokapog in intau mobarong aka mosia mogaid kon moitaḷá andeka mopotabat in atorang takin mopoyaput in tosingogon inta diá totuu.

IḶUAIAN 23:3

Dika mopoyoposi in intau aka kon ponantúan kon taḷá, umpaka intau inta pinoyotutui tatua in intau diá koonu bo onu.

IḶUAIAN 23:6

Dika tombogaanmu intau bogá aka monantú kon taḷá.

AMSAL 17:15

Ki Tuhan in doíbí kon intau inta mopobanar kon intau moraat, bo inta mopotaḷá kon intau inta diá kotaḷá.

AMSAL 17:26

Diábí patus in momaké in denda kon intau inta diá kotaḷá; diábí patus in mondorot kon intau inta mopia in oaid.

AMSAL 24:23

Intau inta moarip nokoimontandon in noguman nanaa: Hakim in diábí motaau in mobogat kon toḷosi.

AMSAL 28:21

Diábí mopia in mopoyoposi in intau; táe oyúonbí doman in hakim inta motombogá tongá popisí in bá mokouḻí kon doit topiḻik.

AMSAL 31:5

Sin, aka datu monginum kon oinumon mokoḷoḷangu, yo koḻionganneadon in hukum bo hak in intau moyangkó.

YESAYA 5:23

Táe tongá bá mokouḻí kon doit posogó, dá moiko in mopoḷuat kon intau kotaḷá, bo moḷamboi kon intau diá kotaḷá mokouḻí kon inta moadil.

YESAYA 59:14

Hukum inta moadil in pinosídon, bo inta moadil in pinoyayúdon. Aid motuḻid in diádon pinandungmai kon tampat mita poyoyodungkuḷan, bo gina motuḻid in diádon pinandungmai.

IMAMAT 19:15

Moiko musti motuḻid aka monantú kon taḷá; dika momihak kon intau bogá aka taḷánea bo dika moondok kon intau mita inta nooyúon.

MIKHA 3:9

Indongogaidon in singogku mita tanaa, ei moiko pongawasa in Israel inta mondoí kon kooadil bo monuui kon inta mobanar.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

MATIUS 22:16

Mosia nopotabá kon dumodudui mita monia noyotakin in intau mita i Herodes sin moḻibó kon i Yesus nanaa, “Pak Guru, kinotaauan nami ki Pak Guru intau inta motuḻid in gina bo takin gina motuḻid doman ki Pak Guru moguman kon daḷan i Allah, bo diá doman ki Pak Guru moondok kon i ine kabí sin diábí poyoposion i Guru in intau.

ULANGAN 16:19

Kon bonu in mogamá kon kaputusan, mosia in diábí motaau kinotantu-tantúnea ande mobogat kon toḷosi. Mosia in diábí doman motaau motarima kon doit tondan in pelekara, sin tondan in pelekara tua in mokobilog kon intau, nodapot in intau mobijaksana bo mojujur, dá mogamádon kon kaputusan inta diá moadil.