AMSAL 18:3 - Alkitab Singog In Mongondow Masa In Tanaa

³ Dosa bo kahinaan in mayá moyotakin; aka oyúondon in bogit, yo notantú bidon kon singkuḻeon.

AMSAL 18:3 Mawu Ofanana

NEHEMIA 4:4

Dá nosambayangdon in akuoi, “Oo Allah, indongogaipa kaasí in naonda in pinononingkuḻe kon inami! Popountudon bui kon uḷu monia tontaní in singkuḻe monia tatua. Biódon mako in bayongan kapunyaan monia in agowon bo mosia tontaní in akuton nobaḻí intau inta dinakop pobayá in butá ibanea.

MAZMUR 69:20

Kinotaauan-Mu kon akuoi in totokbí in irebeg, siningkuḻe bo iraa-raatmai, inontong-Mubí in bayongan in musungku.

MAZMUR 69:9

Akuoi in nádon onda bo intau ango-angoi kon sigad in ginaḷumku, naonda bo intau ibanea kon i guya-guyang bo kon i ai-aiku.

AMSAL 11:2

Intau inta moḷoḷatú in singkuḻeonbí; intau inta moompá in dodia in mobijaksana.

AMSAL 13:5

Intau motuḻid in gina in doíbí kon inta uboḷ, dodia in intau moraat mokooyá bo kinodoí.

AMSAL 18:2

Intau bodok doíbí motarima kon tonggina; sia in tongábí moibog mopotaau onu in kon bonu in ginanea.

AMSAL 18:4

Tosingogon in intau in naonda bo pangkoi in kobobijaksana, modaḷom naonda bo baḷangon, moonow ná tubig inta moiḻig.

AMSAL 22:10

Untundon in intau inta moibog moningkuḻe, dá mogogaidon in ropatoi, sosaturuan bo mosipotaḷáan.

AMSAL 29:16

Aka intau moraat in mongawasa, yo modugangbí in aid moraat. Táe intau motuḻid in mokoontongbí kon korimumudan in intau moraat.

PETRUS 1 4:14

Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.

PETRUS 1 4:4

Tuamai intau mita inta diá nonotaau kon i Tuhan, noherang sin moiko in nobiagbí ná kobobiag monia, inta umuran mogaid kon dosa in pomuḷoi mako. Manangka intua mosia in moningkuḻe kon i monimu.

SAMUEL 1 20:30

Nokodongogmai kon tua ki Saul sinumorú totok kon i Yonatan bo noguman kon inia, “Adí haram inta diá dinidik! Kinotaauankudon in tanaa kon iko in nomiḻídon kon i Daud bo nokopooyámaidon kon inimu bo kon inámu!