AMSAL 18:16 - Alkitab Singog In Mongondow Masa In Tanaa

¹⁶ Tombuinag momukat kon daḷan bo mogatod kon intau mayá kon intau mita moḷoben.

AMSAL 18:16 Mawu Ofanana

KINOBAḺIAN 33:10

Guman i Yakub, “Donaai! Aka akuoi ain nokouḻí kon tabimu, yo tarimadon in sosumbaku tanaa. Aka kon inakó, nokoontong kon pogot in guya-guyang naonda bo nokoontong kon pogot i Allah, sin Iko noibogdon notarima kon inakó takin tabi moḷoben.

KINOBAḺIAN 43:11

Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

DATU MITA 2 5:5

Ki datu in noguman, “Mopia, bayádon kon i datu in Israel. Bain momais kon surat in akuoi kon inia.” Dá nobuatdon in ki Naaman kodia-dia in doit saḷaka 30.000, doit buḷawan 6.000, bo mopuḷú nogapang in ḷambung inta mongopia.

AMSAL 17:8

Oyúon in morai kon doit sogó in mokopoangoibí kon inta mokoherang; pongin doit sogó yagi-yagi in koaidanbí.

AMSAL 18:17

Intau inta mosingog muna kon bonu in sidang pongadilan umuranbí koontongan ná mobanar, táe onu in siningognea pangkoiondon ujion aka moiangoidon in ḷawangnea.

AMSAL 19:6

Komintan intau in moḷongasibí sinbá koibog in intau moponting; bayongan in intau moibogbí moyobayat in intau inta moibog motuḷung.

AMSAL 21:14

Sinbá moonow in torú bo napusu, yo uni-unidon mako bo ogoiai in tombuinag.

SAMUEL 1 16:20

Onda intua ki Isai noposadiadon in keledai tobatú, bo nopodatog in ki adí in bembé tobatú, roti bo botutu kuḻit inta binonuan in anggur kinopuḻing. Tua komintan in inogoinea kon i Daud sin ogoi mobaḻí sosumba kon i Saul.

SAMUEL 1 25:27

Tarimadon in tombuinag inta dinia in bobantung tanaa kon i Tuangku, bo kon intau mita i Tuangku.