AMSAL 17:8 - Alkitab Singog In Mongondow Masa In Tanaa

⁸ Oyúon in morai kon doit sogó in mokopoangoibí kon inta mokoherang; pongin doit sogó yagi-yagi in koaidanbí.

AMSAL 17:8 Mawu Ofanana

KINOBAḺIAN 32:21

Dá tuamai sia in nokidiadon muna in sosumba tatua, yo sia tontaní nosiugpa in doḷom tua kon ḷoḷaigan.

KINOBAḺIAN 43:11

Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

MAZMUR 18:16

Apad in dagat inontongdon bo aip in butá nobukat kon dodai in ki Tuhan nongguak kon musung-Nea pinongin torú.

MAZMUR 19:6

doḷo-doḷom momuká in sia naonda bo nonikaan ḷoḷaki iḻumuai nongkon gopotnea, naonda bo pahlawan inta noḷunganga in gina momangkoi kon bobayáannea.

MAZMUR 21:13

Popopiot-Neabí in mata in piot-Nea, dá momurow in mosia bo moḷagui.

MAZMUR 29:4

Singog i Tuhan kinodongogan, nopuḻing in kawasa bo kototorindog.

IḶUAIAN 23:8

Dika motarima kon doit inta poguboḻi monia sinbá mountung in sia kon pelekara, sin doit tatua in mokopopisí kon mata intau mosindipdon moindoi kon onu in totuu bo mokorugidon kon intau mita inta diá kotaḷá.

AMSAL 17:23

Hakim inta diá moadil, in umuni-uni motarima kon doit posogó bo diábí in sia mopobayá in onu inta moadil.

AMSAL 18:16

Tombuinag momukat kon daḷan bo mogatod kon intau mayá kon intau mita moḷoben.

AMSAL 21:14

Sinbá moonow in torú bo napusu, yo uni-unidon mako bo ogoiai in tombuinag.

MOHOHUTUBA 7:7

Aka intau mopandoi bo monguboḷ, yo nobodokdon in aidnea; aka intau bo motarima kon sogó in pelekara, yo nogoguyaatdon in raiannea.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

AMOS 5:12

Kinotaauan-Ku kon totuudon moḷoben in aidmu moraat bo totuu mobayong in dosamu. Moiko in mondorot kon intau mopia; moiko in motarima kon sogó inta mopomayá mako kon intau bogá inta pinopoaidan in intau diá moadil kon pongadilan.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

ULANGAN 16:19

Kon bonu in mogamá kon kaputusan, mosia in diábí motaau kinotantu-tantúnea ande mobogat kon toḷosi. Mosia in diábí doman motaau motarima kon doit tondan in pelekara, sin tondan in pelekara tua in mokobilog kon intau, nodapot in intau mobijaksana bo mojujur, dá mogamádon kon kaputusan inta diá moadil.

SAMUEL 1 25:35

Nopaḷut mako kon tua ki Daud notarima kon bayongan inta dinia i Abigail kon inia, bo noguman kon inia, “Pobuidon kon baḷoimu bo dikadon moḻia-ḻiaw in gina. Onu inta pinoigummu in duduiankubí.”