AMSAL 17:13 - Alkitab Singog In Mongondow Masa In Tanaa

¹³ Ki ine in mopotuḻí in moraat kon inta mopia, yo aid moraat tatua in diábí doman kopoḷuaian nongkon baḷoinea.

AMSAL 17:13 Mawu Ofanana

SAMUEL 2 12:10

Popisí in iko diá dinumudui kon i-Nakó bo ginamámu in ki buḷoi i Uria, dá kon bonu in buímu monag in oyúonbí in matoi koḻimodan.

DATU MITA IMITÁNEA 21:22

Motoḷuadímu in mobaḻíbí naonda bo motoḷuadí i Datu Yerobeam adí i Nebat bo naonda bo motoḷuadí i Datu Baesa adí Ahia, sin iko in nokopopisídon kon intau in Israel nomia kon dosa dá nokopomukádon kon torú-Ku.’

MAZMUR 35:12

Aidku inta mopia sinuḻían monia in aid moraat; akuoi in noḷomot kon dodai in kinobuḻian in kamang.

MAZMUR 38:20

Intau mita inta nosaturu kon inakó in nobayong bo moropot, mosia in doí kon kobobiagku.

AMSAL 13:21

Intau binaradosa umuranbí batu-batukon mako in roriga intau mopia umuranbí motarima kon inta mokosanang.

MATIUS 27:25

Bayongan in intau inta kon tua in notubag, “Pomayádon mako bain kami bo ki adí nami in motarima kon hukuman kon kopatoian-Nea!”

MATIUS 27:5

Bo pinogarabnea in doit tatua kon bonu in Baḷoi Tuhan, bo minayá ginumantong.

SURAT I PAULUS KON JAMAAT RUM 12:17

Aka intau mopoaid in moraat kon inimu yo donaaibí tuḻíanmu in moraat. Aidaibí in onu inta inanggap mopia in bayongan intau!

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.

SAMUEL 1 19:4

Bo ki Yonatan nongonguman kon inta mopia soaḷ ki Daud kon i Saul, kainia, “Amá, dikadon in ki Amá mogaid kon inta mokobodito kon i Daud bobantungmu. Sin sia tua in diábí nomia kon onu inta noitaḷá kon i amá; sedang bo sia tua in nogaidon kon inta baraguna totok kon i Amá.

SAMUEL 1 24:17

Naonda in nopaḷut mako in ki Daud nosingog kon tosingogon mita tatua, ki Saul nogumandon, “Ikobí degá in nion, ei Daud, adíku?” Bo nongombaḷdon in sia.

SAMUEL 1 25:21

Kon dodai intua ki Daud norai, “Diábí in mangaḻenea in akuoi noḷukad kon kapunyaan in intau tatua kon padang gurun! Diábí topiḻikmai in nobuḻi nongkon kapunyaannea; bo tanaa in sinuḻíannea in aidku mopia tatua takin aidnea moraat!