AMSAL 17:1 - Alkitab Singog In Mongondow Masa In Tanaa

¹ Maníka kaanon topoputok takin popiaan, dika in kaanon mopia inta mobarong takin bobayowan.

AMSAL 17:1 Mawu Ofanana

MAZMUR 37:16

Moyakagkabí in nouḻí in intau mopia tuabí in mopia-pia nongkon kapunyaan mobayong in intau moraat.

AMSAL 15:16

Maníka bo moyakag in kapunyaan táe takin motoguondok kon i Tuhan, dika in mobayong in kapunyaan táe umuran moondok mako.

AMSAL 15:17

Mopia-piabí kon mokaan kon kuyat táe takin totabian, dika in mokaan kon ponoyá inta mopira táe takin yoyaatan.

AMSAL 16:8

Maníka moyakag in mouḻí táe noidoyon kon gina motuḻid, dika in mobayong in mouḻí táe pinongin aid motombogá.

AMSAL 17:2

Bobantung inta mopandoi in mongawasabí kon adí inta moḷawang; bo motarimabí kon tonsilai moyotakin i utat mita in adí tatua.

AMSAL 21:19

Maníka bo mogutun kon rawang kayuon, dika in mogutun takin buḷoi bobay inta mounsingog bo tantú tumorú.

AMSAL 21:9

Mogutun kon siku in ḷuntung in mopia-pia in mogutun tobaḷoian in buḷoi bobay inta tantú moibog moropatoi.

AMSAL 7:14

“Singgai naa akuoi in musti moguboḻi kon dandiku, dá akuoi in noposumbadon in kuruban.