AMSAL 16:8 - Alkitab Singog In Mongondow Masa In Tanaa

⁸ Maníka moyakag in mouḻí táe noidoyon kon gina motuḻid, dika in mobayong in mouḻí táe pinongin aid motombogá.

AMSAL 16:8 Mawu Ofanana

MAZMUR 37:16

Moyakagkabí in nouḻí in intau mopia tuabí in mopia-pia nongkon kapunyaan mobayong in intau moraat.

AMSAL 15:16

Maníka bo moyakag in kapunyaan táe takin motoguondok kon i Tuhan, dika in mobayong in kapunyaan táe umuran moondok mako.

AMSAL 15:17

Mopia-piabí kon mokaan kon kuyat táe takin totabian, dika in mokaan kon ponoyá inta mopira táe takin yoyaatan.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

AMSAL 16:9

Intau in motaaubí momia kon tomayá, táe ki Allahbí in monantú kon daḷan kobiagannea.

AMSAL 17:1

Maníka kaanon topoputok takin popiaan, dika in kaanon mopia inta mobarong takin bobayowan.

AMSAL 28:6

Maní doman bo intau bogá inta motuḻid in ginanea bo dika in intau nooyúon inta motombogá.

MOHOHUTUBA 4:6

Degá totuu intua, táe maníka bo moyakag in kapunyaan takin gina mosanang bo dika in simiḷopí totok in mopogaid in ḻima doyowa nosimpaḷ bo modomok kon tompot.

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

MIKHA 6:10

Kon baḷoi in intau mita moraat oyúon in kapunyaan inta nouḻí noidoyon kon uboḷ. Mosia in nomaké in pogogukuran inta diá moitutui, aid inta kinodoí-Ku. Intau inta mogaid kon natua in hukumon-Ku.