AMSAL 16:18 - Alkitab Singog In Mongondow Masa In Tanaa

¹⁸ Aid moḷoḷatú mokopopisí kon korimumudan; mododia mokopopisí kon korumbunan.

AMSAL 16:18 Mawu Ofanana

ESTER 3:5

Ki Haman in sinumorú totok kon dodai in nokotaau kon ki Mordekhai in doí tumonsiup kon inia.

ESTER 6:6

Naonda in ki Haman sinumuot, ki datu in noguman, “Oyúon in intau in ogoianku in kahoromatan moḷoben. Onu in aidanku kon inia?” Kon raian i Haman, “Ki inepabí in ogoian in kahoromatan moḷoben tua i datu? Notantú bidon kon akuoi!”

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

AMSAL 11:2

Intau inta moḷoḷatú in singkuḻeonbí; intau inta moompá in dodia in mobijaksana.

AMSAL 17:19

Intau inta moibog kon dosa, in moibogbí morogenggeng. Intau inta moambungangaḷ, motayakbí kon korimumudan.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

AMSAL 29:23

Intau moḷoḷatú in poompáanmai; intau inta moompá in gina in dayowon.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

YESAYA 37:38

Kon singgai tobatú, kon tungkuḷ in sia koyogot in nosambayang kon bonu in kuil i Dewa Nisrokh, sia in iḻimod in pitow i Adramelekh bo i Sarezer, ki adínea mita ḷoḷaki. Nopaḷut mako kon tua mosia in noḷagui kon Ararat. Dá ki Esarhadon, ki adínea ḷoḷaki ibanea, in nobaḻí datu nomaḷui kon inia.

YEREMIA 49:16

Iko in koakaḷanbí in aidmu inta mododia. Diábí in moondok kon inimu ná kainimu. Iko in mogutunbí kon sigad mita in batu, kon tudu in buḷud. Táe, umpaka inaidanmu in baḷoimu kon tampat inta moḷantud totok, ná koḷantud in pugad in ḷagapan boniá, yo poponagonbí doman i Tuhan in iko nongkon tua. Ki Tuhanbí in noguman kon tua komintan.”

YEREMIA 50:32

Bangusamu inta motosiḷantud in gina tua in moipintudbí bo moidompaḷak. Diábí tobatúmai in motuḷung kon inimu moposindog. Kotámu mita in turubon-Ku, bo bayongan inta kon diugneamai in payongon.”

YEHEZKIEL 28:17

Batanganmu inta mogaga nokoḷoḷatú kon inimu bo kaoyúonanmu nokopopisí kon inimu notombodok. Tuamai pinomobak-Ku in iko kon butá bo binaḻí-Ku tompoingat kon datu mita ibanea.’ ”

YEHEZKIEL 29:9

Mesir in mobaḻídon butá inta moingongow totok. Dá kotaauandon monimu kon Akuoibí in ki Tuhan.” Ki Tuhan in noguman, “Ei datu in Mesir! Popisí in iko in noguman kon Ongkag in Nil iko in kitogi bo iko in nomia,

DANIEL 11:12

Onda intua moyunggagábí in sia sin nountung bo popisí in noḻimodon kon nobayong in musung, táe kawasanea in diábí mononoi.

DANIEL 5:22

Táe ki adínea ḷoḷaki, inta ki Tuangku tontaní, in doí tumonsiup, umpaka kinotaauandon i Tuangku in tua komintan.

DANIEL 5:24

Tuamai in ki Allah nopotabá mangoi in ḻima tatua sin momais kon koyow-Nea.

MATIUS 26:74

Dá nomangkoidon in ki Petrus nongutuk bo nongibot, kainia, “Diábí kinotaauanku in Intau tatua!” Bo kon dodaipa doman tatua manuk nokukú.

LUKAS 14:9

sahingga in ki togi baḷoi inta ain nogoiní kon i monimu in mamangoi bo moguman kon inimu nanaa, ‘Maap uḻe, tampat tanaa aindon sinadiaku ḻitúan in intau tatua.’ Dá takin oyá moḷoben iko momamping bo mayá in tampat inta kon tumi totok.

SURAT I PAULUS KON JAMAAT RUM 11:20

Totuubí intua. Táe mosia in iḷumbú sin diá mopirisaya, bo Moiko in sinarima sin mopirisaya. Dá tuamai in dikabí dumodia in Moiko sin sinarimadon; Moiko in mustibí motoguondok.

TIMOTIUS 1 3:6

Intau inta mobaḻí itoi kon jamaat, in deemanbí intau inta bagu nopirisaya kon i Kristus, sin dikabo mobaḻí in sia mokaḷakuang, sahingga in kutukon ná Ibilis koḻipod.

HAKIM MITA 11:28

Táe datu in Amon doí mopandungmai kon koyow i Yepta tatua.

SAMUEL 1 17:42

Táe naonda in sia nokoontong kon i Daud bo nonaridimai, kinumosing totok in ki Goliat bo mopoonagmai sin noguodpa totok in ki Daud bo moḷunat.