AMSAL 15:7 - Alkitab Singog In Mongondow Masa In Tanaa

⁷ Tosingogon mita in intau mobijaksana nopuḻing in sinotaau, táe raian in intau bodok in diábí natua.

AMSAL 15:7 Mawu Ofanana

MAZMUR 119:13

Noḷangon in singogku in nopotaau in bayongan in hukum inta inogoi-Mu.

MAZMUR 37:30

Intau mopia mosingog takin bijaksana, sia in umuranbí motuḻid kon bonu in singognea.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

AMSAL 15:6

Kon baḷoi in intau mopia mobarong in kaoyúonan; kaoyúonan in intau moraat iyompat in bodito.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 16:23

Raian in intau mopia in mokopomuká kon tosingogonnea mita mobijaksana, bo totundúnea mokoyakindon totok.

AMSAL 5:2

sinbá kotaauanmu mongo naonda in pododiamu kon aidmu bo mosingog saḷaku intau inta kopongotahuan.

MOHOHUTUBA 10:2

Patusbí in aka intau moarip mogaid kon inta mopia, bo intau bodok mogaid kon inta moraat.

DONDONG MOḶANTUD 4:11

Mopia in tosingogonmu mita, nonikaanku, naonda bo biluk taakan bo susu. Ḷambungmu in ná kobondu in Buḷud Libanon.

MATIUS 10:27

Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

MARKUS 16:15

Guman i Yesus kon i monia, “Bayádon in bayongan dunia naa bo potaaudon in Habar Mopia nongkon i Allah kon bayongan intau.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

TIMOTIUS 2 2:2

Onu inta ain dinongogmu sinundúku kon tayowon intau moantó, yo pokiaid intua kon intau mita inta motaau pirisayaan bo inta mongopandoi motundú kon intau ibanea.

YAKOBUS 3:6

Dilá tua in naonda bo tuḷu. Kon awak naton, sia in mobaḻí pangkoi in moraat inta mopobaya-bayá mako in moraat kon bayongan in awak naton. Takin tuḷu inta nongkon naraka, sia in momokak kon bayongan kobiagan naton.