AMSAL 15:2 - Alkitab Singog In Mongondow Masa In Tanaa

² Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

AMSAL 15:2 Mawu Ofanana

MAZMUR 45:1

Mazmur in inanakan i Korah. Dondong tabi. Kon i itoi in mododondong. Podudui in nada: Bungang bakung.

MAZMUR 59:7

Kon dodai in ḷoḷabungneadon mobui in mosia, mogoob naonda bo ungkú sindaḷan moḻibu kon kotá.

AMSAL 12:23

Intau mobijaksana in diábí mongonguman kon sinotaaunea; intau bodok mopotaa-taau mako in kobobodoknea.

AMSAL 13:16

Intau mobijaksana in munapabí morai bo dongka mogaid; intau bodok mongonguman kon kobobodoknea.

AMSAL 15:23

Tosingogon mita inta siningog inta noitaná kon wakutunea, mokopoangoi kon sanang in gina.

AMSAL 15:28

Intau mopia morai muna bo mosingog; intau moraat mosingog kon inta moraat.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

AMSAL 16:23

Raian in intau mopia in mokopomuká kon tosingogonnea mita mobijaksana, bo totundúnea mokoyakindon totok.

AMSAL 5:2

sinbá kotaauanmu mongo naonda in pododiamu kon aidmu bo mosingog saḷaku intau inta kopongotahuan.

MOHOHUTUBA 10:14

Totuu, intau bodok mobayong in singog. Singgai moiduduimai noibunibí kon inaton komintan. Diábí in mokotoḷanow kon onu in mobaḻí naonda in kita diádon.

MOHOHUTUBA 5:3

Dá, aka iko modandi kon i Allah, yo koḷamemet in mogintompod. Sia in doíbí kon intau inta mogaid kon inta diá moitutui. Tuamai, intompodai in dandimu.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.