AMSAL 15:10 - Alkitab Singog In Mongondow Masa In Tanaa

¹⁰ Intau inta mogaid kon inta moraat in rorigaanbí; intau inta doí toboḷowon in matoi.

AMSAL 15:10 Mawu Ofanana

DATU MITA IMITÁNEA 18:17

Kon dodai in ki Ahab nokoontong kon i Elia, ki Ahab nomaḷú, “Naa in sia mononuyayow kon i Israel!”

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

DATU MITA IMITÁNEA 22:8

Ki Ahab notubag, “Tobatúpa, ki Mikha ki adí i Yimla. Táe mobú in akuoi kon inia, sin diábí kon dodai in onda in sia in moguman kon onu in mopia in mobaḻí kon inakó; tantúbí inta diá mopia.” “Uḻe, dikabí natua!” tubag i Yosapat.

AYUB 34:27

Sin, mosia in diá dinumudui kon ibog-Nea bo diá mokidongog kon parenta-Nea mita.

MAZMUR 50:17

Sin iko in doí mokidongog kon toboḷow-Ku, bo mondoí kon parenta-Ku mita.

AMSAL 1:25

Bayongan in tongginaku in diábí inindongogan monimu bo toboḷowku in diábí inabatan monimu.

AMSAL 1:30

Moiko in diábí kon dodai in onda in moibog motarima kon tongginaku mita andeka moindoimai kon toboḷowku mita.

AMSAL 10:17

Ki ine in mokidongog kon toboḷow yo mobiag motompia, ki ine in mooyá in mongaku kon taḷá yo kon bonudon in bodito in sia.

AMSAL 12:1

Intau inta motabi kon sinotaau in moibog toboḷowon; táe intau inta doí toboḷowon in intaubí inta dondunguḷ.

AMSAL 13:1

Adí moarip in mokidongogbí in aka tongginaan i amánea; intau moḷoḷatú in doíbí toboḷowon.

AMSAL 15:11

Ki Tuhan in nonotaaubí kon dunia in intau minatoi bo bayongan in yagi-yaginea; yo umpaka dá raian in intau bunion kon i-Nia?

AMSAL 15:9

Ki Tuhan in doíbí kon kobobiag in intau moraat, táe Sia in motabibí kon intau inta moḷongasi mogaid kon onu inta kinoibog-Nea.

AMSAL 23:35

Bo iko in moguman, “Akuoi naa in binongkug bo sinokap in intau, táe diádon kinotoropanku mongo onu in nobaḻí. Kaasí ah, tomposiug totok in akuoi! Modugangpa in akuoi monginum!”

AMSAL 5:12

Bo iko in moguman, “Ah, nongonu sin akuoi in doíbí kon tonggina? Nongonu sin akuoi in doíbí sinoboḷow?

YEREMIA 2:17

Iko tontaní in nokopopisí kon bayongan inta nobaḻí kon inimu, sin kon tungkuḷ in iko kinapit-Ku kon binayáan, iko in nonoḻikud kon i-Nakó, Ki Tuhan Allahmu.

YEHEZKIEL 33:9

Aka iko nopotoingatdon kon intau moraat tatua bo doí in sia mogogai in mogaid kon inta moraat, yo matoibí in sia saḷaku intau binaradosa, táe iko in mosaḷamatbí.”

YOHANES 3:20

Sin intau inta momia kon moraat, moyaat in ginanea kon bayag, sin dikabo koontongan in oaidnea inta moraat tua.

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.