AMSAL 14:9 - Alkitab Singog In Mongondow Masa In Tanaa

⁹ Intau bodok in diábí mopandungmai mongo dosanea ampungan andeka diá; intau mopia in moibogbí ampungan in dosanea.

AMSAL 14:9 Mawu Ofanana

AYUB 15:16

Apadoman intau inta moraat bo tangoinea in diádon mopia, inta nonginum kon moraat naonda bo tongá tubig.

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 10:23

Intau bodok mopia in ginanea in mogaid kon moitaḷá; intau mobijaksana morajing motayak kon hikmat.

AMSAL 11:20

Ki Tuhan in doíbí kon intau inta gina moraat, táe Sia in motabibí kon intau inta nobiag diá in bogit.

AMSAL 12:2

Intau mopia kinosanang i Tuhan, táe intau inta monomayá kon inta moraat in motarimabí kon hukuman.

AMSAL 13:15

Intau inta mopia in aid in horomatonbí; intau inta diá motaau pirisayaan mobiagbí mororiga.

AMSAL 3:34

Ki Tuhan in doíbí kon intau inta motosiḷantud, táe momarakatbí kon intau inta moompá in dodia.

AMSAL 3:4

sinbá iko in koibog bo horomaton i Allah bo in tumpaḷa intau.

AMSAL 30:20

Naa in akaḷ in bobay tobatú inta diá mosatia kon i buḷoinea: Mopaḷut mako monuaḻing, mongaan in sia bodongka radatannea in bibignea, bo moguman, “Diábí in akuoi nogaid kon onu bo onu!”

AMSAL 8:35

Ki ine in mokouḻí kon inakó, mokouḻí kon kobiagan, sia in kinoibog i Tuhan.

IMAMAT 5:7

Táe aka intau inta kotaḷá tatua diá mokopooyúon kon domba ande bembé sin potobut kon dosanea, dá sia in mustidon modia kon ḷagapan tarangkuku togapang ande ḷagapan paḷoma moḻinea, tobatú in baḻíon kuruban potobut kon dosa, bo tobatú in baḻíon kuruban inta tubáan.

YUDAS 1:18

Munadon pinotaau monia kon inimu, kon aka kodiug-kodiugdon in singgai pangabisan yo moiangoibí in intau mita inta moningkuḻe kon i monimu, mosia tuata in intau mita inta nobiag podudui in ibog monia inta baradosa naa.