AMSAL 14:10 - Alkitab Singog In Mongondow Masa In Tanaa

¹⁰ Ḷunganga andeka robonoḷ in gina in noinonombí kon bonu in dodob; intau ibanea in diábí moitakin mokorasa kon tua.

AMSAL 14:10 Mawu Ofanana

KINOBAḺIAN 42:21

Bo noyosingogdon in mosia, “Totu-totuu kon tanaadon mako kita ihukum popisí in taḷá naton kon i ai-ai naton koḻipod; sia in nokituḷung táe diá pinandungmai naton, umpaka indoian mako naton kon totokdon in mororiga in sia. Tuamai tanaa mako kita in motarimadon kon roriga tanaa.”

DATU MITA 2 4:27

Táe naonda in noiyaput kon tayowon i Elisa, sinumungkud in sia bo ginumakap kon sioḷ i Elisa. Táe dinimiugdon in ki Gehazi sin mopotabá kon inia mayá nongkon tua, táe noguman in ki Elisa, “Biódon mako! Koontongan kon morobonoḷ totok in dodobnea. Táe diábí in pinotaau i Tuhan kon inakó!”

AYUB 10:1

Akuoi in mobú bo morongó kon kobiaganku, dá oumanonkudon in roriga in dimukudku.

AYUB 21:25

Táe oyúon doman kopopatoinea in diá mopia, diá kon dodai in onda in nokorasa kon mopia.

AYUB 7:11

Tuamai akuoi in diá bidon motaau in tongá kibio-biómai! Pomporí bo pait in ginaku in diábí motaau bunionku. Mustibí in akuoi mobuká kon bibigku, bo mopoḷuai in onu in kon bonu in ginaku.

AYUB 9:18

Diábí pinomayá-Nea in akuoi mogina umpaka tongá motoyong; nodapot in pinopoumaan-Nea akuoi in inta mopait totok inta motoyang.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

AMSAL 15:13

Gina mosanang mokotarimbuka kon pogot; gina inta morobonoḷ in mokoḷungkoyó.

AMSAL 18:14

Popisí in ibog mobiag, intau in mokopotaanbí kon roriga; moinggamá in ibog tatua, moinggamá doman in bayongan kamang.

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

YOHANES 14:18

Moiko in diábí taḷaan-Ku tontaní ná uno-unon. Akuoi in mamangoibí bui kon i monimu.

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

PILIPI 4:7

Dá kobiagan motompia nongkon i Allah inta diá kodapotan in raian intau, in moḷukad kon gina bo raianmu inta ain notobatú i Kristus Yesus.

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

SAMUEL 1 1:15

Táe ki Hana in notubag, “Akuoi in diábí noḷoḷangu, Amá, akuoi in beresibí diá nonginum kon anggur! Akuoi in kinodaitandon kamang, bo mosambayangmai mongonguman kon bayongan in rorigaku kon i Tuhan.