AMSAL 13:5 - Alkitab Singog In Mongondow Masa In Tanaa

⁵ Intau motuḻid in gina in doíbí kon inta uboḷ, dodia in intau moraat mokooyá bo kinodoí.

AMSAL 13:5 Mawu Ofanana

MAZMUR 119:163

Bayongan in uboḷ kinodoíku, táe hukum-Mu in kinoibogku.

AMSAL 13:4

Intau maḷat mobayong in koibognea táe diábí tobatúmai in kodapotannea; intau inta totok in moḷongasi in mogaid mouḻínea in bayongan inta kinoibognea.

AMSAL 18:3

Dosa bo kahinaan in mayá moyotakin; aka oyúondon in bogit, yo notantú bidon kon singkuḻeon.

AMSAL 3:35

Intau inta mobijaksana i modugangbí mobondu in tangoinea, táe intau nobodok in umuranbí singkuḻeon.

AMSAL 30:8

Dika modapot in akuoi mopoyaput in tosingogon mita inta motombogá bo uboḷ, bo dika pomayá mako in akuoi mobaḻí bogá andeka mooyúon. Tongádon ogoiai in akuoi in onu inta pakéonku.

MOHOHUTUBA 3:8

Ki Allah in nonantú kon wakutu motabi bo wakutu mondoí, wakutu moparang bo wakutu moyodame.

YEHEZKIEL 20:43

Kon tua kotoropandon monimu in bayongan in oaid inta mokorongó inta ain nokonajis kon awakmu. Dá morongódon in moiko in mokotorop kon bayongan inta nobaḻí tatua.

YEHEZKIEL 36:31

Kotoropanbí monimu in dodiamu inta moraat bo aidmu inta diá patus tua, bo morongódon bui in moiko kon awakmu tontaní popisí in dosamu mita bo aidmu inta diá mopia tua.

YEHEZKIEL 6:9

kon tua mosia in mobiag kon bonu in poḷumbúan. Bo kotoropandon monia in Akuoi bo komangaḻeandon monia kon Akuoi in mohukum bo moningkuḻe kon i monia sin gina monia in diá motoindudui kon i-Nakó. Mosia in nonaḷámaidon kon i-Nakó bo ain nomiḻí kon berhala nobaḻí toḻiu-Ku. Bo mosia in doídon kon awak monia tontaní popisí in bayongan in aid moraat bo moromú inta ain inaidan monia.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

KOLOSE 3:9

Dikadon mosiuboḷan sin ain sinaḷáan monimu in kobobiag koḻipod bo tabiatnea.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

HAKIM MITA 16:11

Tubag i Simson, “Aka akuoi togoton in tontogot mobagu inta diápa dodai in onda pakéon, yo moḻemédon in akuoi bo mobaḻídon naonda bo intau biasa.”