AMSAL 13:4 - Alkitab Singog In Mongondow Masa In Tanaa

⁴ Intau maḷat mobayong in koibognea táe diábí tobatúmai in kodapotannea; intau inta totok in moḷongasi in mogaid mouḻínea in bayongan inta kinoibognea.

AMSAL 13:4 Mawu Ofanana

KINOBAḺIAN 26:32

Kon singgai doman tatua bobantung mita i Ishak namangoi bo nopotaau kon inia soaḷ parigí inta ain kinaḻi monia. Guman monia, “Kami in nokouḻídon kon tubig.”

MAZMUR 92:14

Mosia in naonda bo pangkoi in kayu inta pinomuḷa kon Baḷoi Tuhan, bo mobui kon Baḷoi Allah naton,

AMSAL 10:4

Intau maḷat in mobaḻíbí mororiga; intau inta morajing in mobaḻíbí mooyúon.

AMSAL 11:25

Intau inta mokakit mobogoi in umuranbí mobarong in kaoyúonannea, intau inta moibog motuḷung in tuḷunganbí doman.

AMSAL 12:11

Monononggobá inta simiḷopí in mogaid mobayong in kaanon, táe intau inta tongá mokopodait kon wakutu kon inta diá baraguna in intaubí bodok.

AMSAL 12:24

Simiḷopí totok mokopobaḻí kon intau mokadai kon kawasa; oaid momaḷat momakisa kon intau mobaḻí bobantung.

AMSAL 12:27

Aka momaḷat yo diábí kodapotan onu in koibog; pongin rumoriga in mogaid intau mobaḻí mooyúon.

AMSAL 13:3

Intau inta muna morai bo mosingog moaman in kobiagannea; intau inta tongá kino singo-singognea koantugan in roriga.

AMSAL 13:5

Intau motuḻid in gina in doíbí kon inta uboḷ, dodia in intau moraat mokooyá bo kinodoí.

AMSAL 20:4

Monononggobá inta maḷat diá mobuká kon gobánea kon wakutunea; imbuitnea kon sempo in posipunan kon bungai in boyó yo butánea in diábí mobogoi in onu bo onu.

AMSAL 21:25

Intau maḷat inta doí mogaid; moḻimod kon inia tontaní pongin ibognea.

AMSAL 21:5

Tomayá in intau morajing in mobogoi in mobarong; pogogaid inta tongá yumombi-yombit mokopoangoi kon kodaitan.

AMSAL 24:30

Nokoimontandon in akuoi in nongin gobá in intau maḷat bo gobá in anggur in intau pompuḷong.

AMSAL 24:31

Inta inontongku kon tua in tongábí dugi bo padang. Tondok bo dindingnea in noumpag domandon.

AMSAL 26:13

Intau maḷat in moibogbí sinbá umuran kon baḷoi; sia in moguman, “Oyúon in singa kon ḷuai, dika-dika domokonnea in akuoi kon daḷan.”

AMSAL 28:25

Tongá morai kon kopontingan tontaní in mokopomukábí kon bobayowan; mountu-untungbí in iko aka mopirisaya kon i Tuhan.

AMSAL 6:6

Intau inta maḷat mustibí monaridi kon kobobiag in toyom bo mobalajar kon inia.

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

DONDONG MOḶANTUD 5:3

Ḷambungku iḷongkutkudon; yo degá ḷutudonkupa bui? Sioḷku dinaritankudon, yo degá buikupa kotoron?

YESAYA 58:11

Akuoi in umuranbí mokapit kon i monimu bo mopobotug kon i monimu kon butá inta noingkag; Akuoi in moḷukadbí kon i monimu sinbá umuran mosehat bo moropot. Moiko in nádon onda bo taman inta tugat in tubignea, naonda bo bokaká inta diá mogio-giot.

PINOGIAPAN 23:10

Buí i Yakub naonda bo ḷobud diá koiapan; bangusa Israel kobayongnea totuu mobarong. Poigumon mako in akuoi matoi saḷaku intau motuḻid poigumon mako in kopopatoiku naonda bo kopopatoi in intau mita tatua.”

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

IBRANI 6:11

Ibogon nami bá moiko komintan in umuran morigon in gina bo totu-totuu mopirisaya kon wakutu in mobiagpa, sahingga in moiko motarima kon onu inta i harap mako monimu tua.

YOSUA 7:3

mosia nopotaau kon i Yosua. Mosia noguman, “Dikadon in kita mayá komintan monubu kon Ai. Potabádon in doyowa ande toḷu noribu in intau. Dika daiton potabá in tontara mayá intua moparang, sin nointokbí in kotá tatua.”