AMSAL 13:23 - Alkitab Singog In Mongondow Masa In Tanaa

²³ Butá inta diá in pinomuḷa mobogoibí in kaanon moantó kon intau bogá; táe aid diá moadil mokopopisí kon butá tatua diá tonggobaan.

AMSAL 13:23 Mawu Ofanana

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

AMSAL 12:11

Monononggobá inta simiḷopí in mogaid mobayong in kaanon, táe intau inta tongá mokopodait kon wakutu kon inta diá baraguna in intaubí bodok.

AMSAL 12:14

Batúan in intau mokouḻí kon tontuḻínea podudui in singog mita bo oaidnea; kon batúannea inogoian in boḻinea podudui in aidnea.

AMSAL 27:18

Ki ine in monompia kon pinomuḷa, yo mokaanbí kon bungainea. Bobantung in kotabibí doman aka motabi kon i tuangnea.

AMSAL 28:19

Monononggobá inta simiḷopí in mogaid in diábí kodaitan in kaanon; intau inta diá motaau mopomaké in wakutu in kodaitanbí in kaanon.

MOHOHUTUBA 5:9

Intau inta moibo-ibog in doit, diábí kon dodai in onda in mokorasa kon tugat in doitnea; intau inta motoboḷok, diábí mokoimontanmai in moorop in kauntungannea. Tua komintan in diábí in mangaḻenea.

ULANGAN 21:4

Sapi tatua in musti diaan monia kon tampat tobatú kon diug in ongkag inta diá mogio-giot bo inta butánea diápa dodai in onda in pinajeko ande binunakan. Kon tampat tatua putoḷondon monia in sigogow in bobiagon tatua.