AMSAL 13:22 - Alkitab Singog In Mongondow Masa In Tanaa

²² Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

AMSAL 13:22 Mawu Ofanana

EZRA 9:12

Nabi mita tatua in nogimaḷow kon inami sinbá diá motonibuḷoi in intau mita tatua, andeka mobantung kon i monia sinbá mobiag mooyúon bo motompia. Aka kami in motoindudui, kami in mobaḻídon moropot bo mokaandon kon bungai in pinomuḷa kon butá tatua bo mobogoi kon buí nami modapot in mononoi.

MAZMUR 102:28

Táe Iko in diábí mobaḷu-baḷui, kobiagan-Mu in diábí in imbuitnea.

MAZMUR 112:2

Ki adí-Nea mita in mongawasabí kon butá tanaa, buí in intau mopia in barakatanbí.

MAZMUR 128:6

Igumon mako iko in moumur in kobiagan, bo mokoontong kon adí bo ompumu! Igumon mako umat i Tuhan in mobiag motompia!

MAZMUR 37:25

Pinangkoi kon noguodpa in akuoi nodapot in noguyangdon, diábí kon dodai in onda in inontongku intau mopia sinaḷáan i Tuhan, andeka ki adí bo ki ompunea in dongka kino igu-igumnea mako.

AMSAL 17:6

Inta mokoḷunganga kon intau inta ain nogoguyang in adí bo ompubí; mokoḷunganga kon adí in guyanganeabí.

AMSAL 28:8

Ki ine in mobaḻí mooyúon popisí in moigum kon rente bo motayak kon kauntungan inta moḷoben totok, kaoyúonannea in moiḷabúbí kon intau inta motabi kon intau bogá.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.