AMSAL 13:21 - Alkitab Singog In Mongondow Masa In Tanaa

²¹ Intau binaradosa umuranbí batu-batukon mako in roriga intau mopia umuranbí motarima kon inta mokosanang.

AMSAL 13:21 Mawu Ofanana

KINOBAḺIAN 4:7

Aka iko mogaid kon inta mopia, yo pasti pogotmu in diábí morongut mako; táe aka iko mogaid kon inta moraat, dá dosa in dongka mogoḷat mako sin tumuot kon ginamu. Dosa in moibog mongawasa kon inimu, táe musti ḷawangonmu in sia.”

MAZMUR 140:11

Biódon mako mosia in kotampurangan baga in tuḷú, bo pinogonag kon bonu in bubú in popatoi, dá diádon mokoḷuai bui.

MAZMUR 32:10

Intau binaradosa kinoantugan in roriga mobayong; táe intau inta nongamang kon i Tuhan umuranbí iḷukadan in tabi-Nea.

MAZMUR 54:5

Sin intau ango-angoi simindog monubu kon inakó, intau moḷoḷatú moibog moḻimod kon inakó, mosia in diábí mopandungmai kon i Allah.

AMSAL 11:31

Aka kon dunia naa bo intau mopia in mokouḻí kon tontuḻínea, yo notantú bidon kon intau moraat bo binaradosa in mokouḻíbí kon hukuman.

AMSAL 13:13

Intau inta diá mopandung kon totundú i Tuhan, mopobodito kon awaknea tontaní; intau inta motoindudui kon hukum i Allah in motarimabí kon tontuḻínea.

AMSAL 17:13

Ki ine in mopotuḻí in moraat kon inta mopia, yo aid moraat tatua in diábí doman kopoḷuaian nongkon baḷoinea.

AMSAL 24:16

Sin, umpaka intau motuḻid mopobui-buimai moḷabú, umuranbí in sia mobangon bui. Táe, aka intau moraat yo rimumudonbí in bodito.

YESAYA 47:11

Táe iko in koantuganbí in bodito, totaau in sihirmu diábí mokopoḷagui kon inia. Iko in angoionbí in bodito, bo diábí mokotongod in monayow. Koyopúan in daḻídon moiangoi, bo diábí muna kinoraianmu.

YEHEZKIEL 7:5

Naabí inta pinoguman i Tuhan Inta Totok in moḷantud kon bangusa in Israel, “Bodito in moyoduduibí in moiuma kon i monimu.

PINOGIAPAN 32:23

Tongá pokotaau, aka diá intompodan monimu in dandimu, yo baradosaan in moiko kon i Tuhan bo hukumon sin popisí in dosamu tatua.

OUMAN IN RASUL MITA 28:4

Naonda intau mita kon pulau tatua nokoontong kon uḷag tatua noibambé mako kon ḻima i Paulus, mosia in nosingo-singogan, “Intau tanaa pasti kon moḷoḻimodbí, sin umpaka nosaḷamatdon in sia nongkon bahaya kon dagat, táe ki Dewi inta Moadil in diábí mopomayá mako kon inia mobiag.”