AMSAL 13:18 - Alkitab Singog In Mongondow Masa In Tanaa

¹⁸ Intau inta doí tundúon in mobaḻí mobogá bo tososingkuḻe; intau inta moibog mokidongog kon tonggina in horomatonbí.

AMSAL 13:18 Mawu Ofanana

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

AMSAL 12:1

Intau inta motabi kon sinotaau in moibog toboḷowon; táe intau inta doí toboḷowon in intaubí inta dondunguḷ.

AMSAL 13:13

Intau inta diá mopandung kon totundú i Tuhan, mopobodito kon awaknea tontaní; intau inta motoindudui kon hukum i Allah in motarimabí kon tontuḻínea.

AMSAL 13:19

Totuubí mopia aka mokouḻí kon onu inta kinoibog! Intau bodok doíbí monaḷámai kon inta moraat.

AMSAL 13:25

Intau inta mopia tantúbí oyúon in pakéonnea, táe intau moraat umuran kodaitan.

AMSAL 15:5

Intau bodok diá mopandung kon tonggina i amánea, intau mobijak mokidongog kon toboḷow.

AMSAL 19:6

Komintan intau in moḷongasibí sinbá koibog in intau moponting; bayongan in intau moibogbí moyobayat in intau inta moibog motuḷung.

AMSAL 25:12

Toboḷow in intau moarip kon i intau inta moibog mokidongog, in naonda bo sising buḷawan andeka ḷambá madiow.

AMSAL 9:9

Aka intau mobijak tongginaanmu, yo modugang mobijaksana in sia. Bo aka intau inta motoindudui kon i Allah tundúonmu, yo modugang motaau in sia.

MOHOHUTUBA 7:5

Maníka bo sinoboḷow in intau inta mopia, bo dika in dinayow in intau bodok.

YEREMIA 3:25

Dá, pomayádon mako in kami in mobaba kon oyá, bo pomayádon mako in kami mobaḻí mohina. Sin, kami bo mogoguyang nami ain binaradosa kon i Tuhan Allah nami, bo diá kon dodai in onda in notoḷutui kon parenta-Nea mita.”

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!