AMSAL 13:16 - Alkitab Singog In Mongondow Masa In Tanaa

¹⁶ Intau mobijaksana in munapabí morai bo dongka mogaid; intau bodok mongonguman kon kobobodoknea.

AMSAL 13:16 Mawu Ofanana

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

AMSAL 14:33

Hikmat in tantúbí oyúon kon bonu in raian in intau mopia; táe diábí in sia kon gina in intau bodok.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

AMSAL 18:2

Intau bodok doíbí motarima kon tonggina; sia in tongábí moibog mopotaau onu in kon bonu in ginanea.

AMSAL 21:24

Intau moḷoḷatú bo mosiḷantud in moibogbí moningkuḻe bo diá koendar.

MOHOHUTUBA 10:13

Pangkoiannea in ouman uboḷ, táe imbuitnea oumannea naonda bo intau nobundai.

MOHOHUTUBA 10:3

Kobodokannea in koontongan kon bayongan dodianea. Bo bayongan intau popoontongannea in dondunguḷnea.

YESAYA 52:13

Ki Tuhan in noguman, “Totuubí, mogogundoi-Ku in mokodapotbí kon aidannea; sia in horomatonbí bo poḷantudon.

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

SURAT I PAULUS KON JAMAAT RUM 16:19

Bayongan in intau ain nonotaau kon ná onda in kotoindudui monimu kon totundú soaḷ Habar Mopia inta nongkon i Allah. Nokotaaumai kon natua in aid monimu, nopia totok in ginaku. Ibogonku mobijaksana in moiko in mogaid kon soaḷ mita inta mopia, bo diá motaau mogaid kon soaḷ mita inta moraat.

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

EPESUS 5:17

Dika mokopobodok, táe tayakdon kopira mongo onu in kinoibog i Tuhan.

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”

SAMUEL 1 25:25

Dikadon raionmai i Tuangku in ki Nabal, intau inta diá in baragunanea tatua! Sia tua in intau inta nobodok – notongkai ná tangoinea. Bobantung naa in diábí nokoontong kon totabá mita inta pinotabá i Tuangku tua.