AMSAL 12:8 - Alkitab Singog In Mongondow Masa In Tanaa

⁸ Intau dayowon podudui in kobobijaksananea; intau in singkuḻeon podudui in dondunguḷnea.

AMSAL 12:8 Mawu Ofanana

KINOBAḺIAN 41:39

Dá ki datu noguman kon i Yusup, “Ki Allah ain nopotaau in naa komintan kon inimu, dá nosimantagdon kon ikobí in mopando-pandoi bo mobija-bijaksana nongkon i inekadon.

MAZMUR 132:18

Dodatuannea in umuranbí mobiag mooyúon, táe musungnea mita in pokopooyáanbímai.”

AMSAL 1:26

Tuamai, aka moiko mobodito, yo kosingankubí. Aka moiko moondok, yo singkuḻeonkubí.

AMSAL 12:7

Intau moraat in moḷabúbí bo moyopú takin diá in paḷotnea; táe intau mopia in umuranbí moroton modapot in adí bo ompu.

AMSAL 12:9

Maníka bo mobaḻí intau mointok inta oyúon in oaidan, dika in tumon intau inta moḷoben bokaka diá in kaanon.

AMSAL 29:27

Intau mopia in diábí mopia in ginanea kon intau moraat; intau moraat in doíbí kon intau mopia.

AMSAL 3:35

Intau inta mobijaksana i modugangbí mobondu in tangoinea, táe intau nobodok in umuranbí singkuḻeon.

AMSAL 5:23

Sia in matoi popisí in doí tongginaan. Dondunguḷnea nodia kon inia kon kogoguyaatan.

MOHOHUTUBA 8:1

Totuu mosanang in intau mobijaksana. Kotaauannea in tubag in bayongan pelekara. Pandoi nokopomomi kon inia sin pia in gina, dá pogotnea in umuranbí motarimbuka.

YESAYA 19:14

Ki Tuhanbí in nomaḻí kon i monia nobogoi in tonggina inta mokotoboḻingu. Bungainea kon tua, Mesir mongoitaḷádon, bo mongoikuyungdon naonda bo intau noḷoḷangu inta norondog kon totukanea tontaní.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

LUKAS 16:8

Dá pinuji i tuangnea in bendahara inta diá mojujur tatua popisí in mobayong in akaḷnea; sin intau mita inta modunia in mopando-pandoi monompira kon oaidan monia dika in intau mita inta nobiag kon nobayag.”

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 10:18

Sin deemanbí intau inta dinumuí tontaní in mokotahang kon totungkuḷ, táe intaubí inta dinuí i Tuhan.

SAMUEL 1 13:13

Nokodongogmai kon natua, ki Samuel in noguman kon i Saul, “Mobodok totok in aid i Tuang tatua. Aka kuma bo ki Tuang in dinumudui kon parenta i Tuhan Allah kon i Tuang Datu, yo tantúon bidon i Tuhan kon mononoi in Tuang Datu bo buí i Tuang Datu in momarenta mobaḻí datu kon Israel naa.

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 18:30

Pomuḷoi in aka tontara in Pilistin mamangoi monubu, i Daud in mobayo-bayong in ḻimodon nongkon porwira mita i Saul inta ibanea. Dá totokdon in ponango-nangoian in ki i Daud.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”