AMSAL 12:5 - Alkitab Singog In Mongondow Masa In Tanaa

⁵ Intau motuḻid in moraibí kon onu mita inta mopia; intau moraat in monomayá kon naonda in pongonguboḷ.

AMSAL 12:5 Mawu Ofanana

MAZMUR 119:15

Akuoi in moibog mobalajar kon bayongan inta sinantú-Mu, bo monaridi kon topotundú-Mu mita.

MAZMUR 139:23

Tarididon in akuoi o Allah, doḷopdon in ginaku, tungkuḷaidon bo pokotaaudon in raianku.

AMSAL 11:23

Onu in koibog in intau mopia umuranbí mokopoangoi kon inta mopia, táe inta motaau harapon mako in intau moraat in tongábí tumorú.

AMSAL 12:4

Buḷoi bobay inta mopia in mokosanang kon i buḷoinea ḷoḷaki, buḷoi bobay inta nokopooyámai kon i buḷoinea in naonda bo panyaki in tuḷan inta mongaratmai.

AMSAL 12:6

Tosingogon mita in intau moraat in mokopatoi; tosingogon mita in intau motuḻid in mokosaḷamat.

AMSAL 14:8

Intau mobijaksana in kotaauanneabí onu in aidannea, intau bodok koakaḷan in kobobodoknea.

AMSAL 24:9

Pomuḷoi in akaḷ intau bodok in dosabí. Intau inta umuran mopotaḷá kon intau ibanea, kinodoíbí i inekadon.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

YEREMIA 9:3

bo umuran mosadia monguboḷ. Kon sinangkub in butá, inta mobanar diádon nongawasa, nodapot in aid diá mojujur noibaya-bayádon mako. Ki Tuhan in noguman, “Umat-Ku in nogaidon kon inta moraat diádon mogoga-gogai, diádon ináku monia in Akuoi nobaḻí Allah monia.”

YEREMIA 9:5

Mosia komintan mosi uboḷan, diá in mosingog kon inta totuu. Bibignea in nobiasadon monguboḷ mosia in diá mokosanggup in monaḷámai kon dosanea. Aid inta moraat kodugang-kodugang aid uboḷ kodugang-kodugang doman tua in umuran aidan monia, mosia in totokbí in mondoí kon i Tuhan.

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

MATIUS 26:4

Mosia in noyosingog kon naonda in pododomok kon i Yesus bo poḷat moḻimod kon i-Nia.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.