AMSAL 12:2 - Alkitab Singog In Mongondow Masa In Tanaa

² Intau mopia kinosanang i Tuhan, táe intau inta monomayá kon inta moraat in motarimabí kon hukuman.

AMSAL 12:2 Mawu Ofanana

SAMUEL 2 15:3

dá ki Absalom in moguman, “Podudui in hukum, iko in noitutui, táe nokotabian yo diá in oḻit i datu in moibog mokidongog kon onu in pinongadumu.”

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

MAZMUR 9:15

sinbá akuoi in modayow kon ini-Mu kon tayowon in intau mita in Yerusalem. Akuoi in monggoḷakapbí takin pia in gina sin Iko in noposaḷamat kon inakó.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 12:1

Intau inta motabi kon sinotaau in moibog toboḷowon; táe intau inta doí toboḷowon in intaubí inta dondunguḷ.

AMSAL 14:17

Intau tumorú in mogaid kon inta mobodok; intau mobijaksana in mosabar.

AMSAL 14:22

Ki ine in momatuk kon inta mopia, yo pirisayaanbí bo horomaton; ki ine in monomayá kon inta moraat sia in moiḷaḻebí.

AMSAL 3:4

sinbá iko in koibog bo horomaton i Allah bo in tumpaḷa intau.

AMSAL 8:35

Ki ine in mokouḻí kon inakó, mokouḻí kon kobiagan, sia in kinoibog i Tuhan.

MOHOHUTUBA 8:8

Diábí tobatúmai in mokotahang andeka momaḷui kon singgai kopatoiannea. Tuata in inta iramuji inta diá motaau poḷaguian, diábí in sia moiḷagui kon tua, umpakabí pongin akaḷ bo tombuḻitok.

OUMAN IN RASUL MITA 11:24

Ki Barnabas naa in intaubí mopia, inta umuran kinawasa in Roho i Allah bo intau inta totok in mopirisaya kon i Tuhan sahingga moantódon in intau in dinumudui kon i Tuhan.

SURAT I PAULUS KON JAMAAT RUM 5:7

Sin diábí mogampang in motayak kon intau inta moibog matoi umpakabí kopontingan in intau inta mobanar. Tongá degá aka kon intau inta mopia, dá oyúon in intau mobarani matoi.