AMSAL 12:18 - Alkitab Singog In Mongondow Masa In Tanaa

¹⁸ Tongá kino singo-singognea in mokotompaḻí kon gina naonda bo turakon in pitow; tosingogon mita mobijaksana in naonda bo undam inta mokopia.

AMSAL 12:18 Mawu Ofanana

MAZMUR 52:2

kon tungkuḷ in ki Doëg, intau in Edom, namangoi nopotaau kon i Saul kon ki Daud in noiyaputdon in baḷoi i Abimelek.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

MAZMUR 57:5

Akuoi in kinopung in musung, mosia in naonda bo singa mokokaan kon intau. Ingipon monia naonda bo ginubat bo piot, dilá monia in naonda bo kedang inta moḷanit.

MAZMUR 59:7

Kon dodai in ḷoḷabungneadon mobui in mosia, mogoob naonda bo ungkú sindaḷan moḻibu kon kotá.

MAZMUR 64:3

Oḻingoiaipa in akuoi nongkon pinoyopopogan in intau moromú, nongkon tomayá molicik in intau mita moraat.

AMSAL 12:17

Takin moguman kon inta totuu, intau moposindog in inta moadil; pongin monguboḷ, intau mokopoangoi kon inta diá moadil.

AMSAL 13:17

Totabá inta diá mobanar mokopoangoi kon bodito; totabá inta motaau pirisayaan in modia kon inta mopia.

AMSAL 15:4

Tosingogon mita inta mopia mokoroton kon gina, tosingogon mita inta moraat mokoinggamá kon ibog.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

AMSAL 16:24

Tosingogon moḷukó notongkai in biluk; moromimit in korasaan bo mokosehat kon awak.

AMSAL 25:18

Moponapud in uboḷ in mokopatoibí, naonda bo kedang, popangkuḷ andeka piot inta moḷanit.

AMSAL 4:22

Intau inta nonotaau kon tua in mobiagbí bo mosehat.

DANIEL 11:33

Intau mita inta mobijaksana inta nobaḻí itoi in rayat in mopomangaḻebí kon mobayong in intau. Táe diá moonggot kon tua, tongonumai in kon sigad monia tua in koḻimodan popisí in parang andeka popisí in tuḷú, bo tongonumai doman in intau in pogagowan bo dakopon.

WAHYU 1:16

Ḻima-Nea koḷanan in nokadai kon tundi pitu, bo kon bibig-Nea iḷumuai in tobatú pitow moḷanit inta doyowa in matanea. Pogot-Nea in monindar naonda bo mata in singgai inta noutudon.

WAHYU 22:2

inta kon yua-yuak in kotá tatua. Kon bingkí posiḷosi in ongkag tatua oyúon in pangkoi mita in kobiagan inta nomungai kopuḷú bodoyowá in totaong, tobuḷan komintan. Daunnea pinaké nongundam kon bangusa mita.