AMSAL 12:16 - Alkitab Singog In Mongondow Masa In Tanaa

¹⁶ Aka intau bodok kosigidan, yo kon dodaipa doman tuata bo potaaunea in nakit in ginanea; táe intau mobijaksana in diábí pandungonneamai aka potaḷáan.

AMSAL 12:16 Mawu Ofanana

AYUB 5:2

Tongábí intau inta bodok in matoi dinia in nakit in ginanea.

AMSAL 10:12

Yaat in gina mokopomuká kon ropatoi; totabian mongampung kon bayongan in taḷá.

AMSAL 12:17

Takin moguman kon inta totuu, intau moposindog in inta moadil; pongin monguboḷ, intau mokopoangoi kon inta diá moadil.

AMSAL 14:33

Hikmat in tantúbí oyúon kon bonu in raian in intau mopia; táe diábí in sia kon gina in intau bodok.

AMSAL 16:22

Kobobijaksana in nobaḻí pangkoi in kopiaan kobiagan in intau mopia; intau bodok in rorigaan in bodoknea tontaní

AMSAL 17:9

Aka moibog kosanang in intau, ampungai in taḷá inta inaidan monia. Tantú mongonguman kon taḷá tongábí mokobontow kon yoyobayatan.

AMSAL 25:28

Intau inta diá mokoigon kon ginanea in naonda bo kotá inta ain noumpag in dindingnea.

AMSAL 27:3

Batu bo bungaion tua in mogaanpabí, aka poyobandingonmai in nakit in gina popisí in intau bodok.

AMSAL 29:11

Intau bodok tumorú moyogintayowan mako, táe intau mobijaksana in mosabar bo monanom kon torúnea.

YAKOBUS 1:19

Utat mita inta kinotabiku, tarukira kopira in naa! Pomuḷoi in intau musti ḻimikat in mokidongog, tongá mokopoḷaḷoi in mosingog bo donaai doman baḷú tumorú.