AMSAL 12:13 - Alkitab Singog In Mongondow Masa In Tanaa

¹³ Intau moraat in koakaḷan in tosingogon mita moraat inta siningognea; intau mopia kotaḻiban in roriga.

AMSAL 12:13 Mawu Ofanana

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

SAMUEL 2 4:9

Táe ki Daud in notubag, “Ki Tuhan inta nobiag, inta ain noposaḷamat kon inakó nongkon bayongan inta mokobodito, nonotaaubí kon onu inta singogonku naa in totuubí.

DATU MITA IMITÁNEA 2:23

Naonda in noguman mako natua nongibotdon in ki Salomo pinodoyon kon i Tuhan, “Biódon mako in akuoi kotugatan in kutuk i Tuhan, aka diá hukumonku matoi in ki Adonia popisí in oigumnea tatua!

MAZMUR 34:19

Ki Tuhan in nodiug kon intau inta kinobuḻian in kamang; bo moposaḷamat kon intau inta noinggamá in ibog.

MAZMUR 34:20

Mobayongbí in roriga in intau mopia, táe ki Tuhan in mopoḷuatbí kon inia nongkon bayongan intua.

MAZMUR 5:6

Doíbí in Iko in moindoi kon intau inta mokaḷakuang, kinodoí-Mubí in intau inta momia kon inta moraat.

MAZMUR 59:12

Dikabí moḻimod kon i monia, o Tuhan, sinbá bangusaku diá mokoḻiong. Poraritdon bo upetdon in mosia podoyon kon kawasa-Mu, o Tuhan mogogoḻingoi nami.

MAZMUR 59:13

Sin mosia in binaradosa pinongin tosingogon monia; biódon mako in mosia moibaaḷ kon bonu in ḷoḷatúnea, sin mosia in moibog mogodi-godi bo monguboḷ.

MAZMUR 64:8

Táe ki Allah in nopopiotbí in piot-Nea kon i monia, bo indoianmai notompaḻí in mosia.

AMSAL 10:8

Intau inta mopandoi, moibog motarima kon tonggina; intau inta tongá kino singo-singognea in moiḷangkambí.

AMSAL 11:8

Intau mobanar in moisimparutbí kon roriga; intau moraat in moyodungkuḷbí in tongkuḷabot.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

AMSAL 18:21

Dilá naa in oyúonbí in kawasanea moposaḷamat kon kobiagan andeka momoguyaat; intau in mustibí mobaba kon bungai in tosingogonnea.

AMSAL 21:23

Sinbá moisimparut kon roriga, yo mustidon mokopoingat in mosingog.

AMSAL 6:2

Bo degá iko in noitogotdon kon onu in siningogmu bo noibaaḷdon kon dandimu tontaní.

MOHOHUTUBA 7:18

Pokoyayú kon doyowa inta koina. Aka kita motoguondok kon i Allah, yo notantú bidon kon kodapotan naton in onu inta sinayak.

DANIEL 6:24

Totok in nopia in gina i datu bo pinarentaneadon sinbá ki Daniel in poḷuaiondon kon angob tatua. Naonda in inaidandon in parenta tatua, noniata magí yo diábí in kekeb topiḻikmai kon i Daniel, sin sia in nopirisaya kon i Allahnea.

MATIUS 27:25

Bayongan in intau inta kon tua in notubag, “Pomayádon mako bain kami bo ki adí nami in motarima kon hukuman kon kopatoian-Nea!”

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,