AMSAL 12:11 - Alkitab Singog In Mongondow Masa In Tanaa

¹¹ Monononggobá inta simiḷopí in mogaid mobayong in kaanon, táe intau inta tongá mokopodait kon wakutu kon inta diá baraguna in intaubí bodok.

AMSAL 12:11 Mawu Ofanana

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

MAZMUR 128:2

Iko in mongaanbí nongkon onu inta siniḷopíanmu, mobiag motomoman bo motompia.

MAZMUR 26:4

Akuoi in doíbí moyosipun in intau moakaḷ, andeka moyobayat in intau inta moburidilá.

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

AMSAL 13:23

Butá inta diá in pinomuḷa mobogoibí in kaanon moantó kon intau bogá; táe aid diá moadil mokopopisí kon butá tatua diá tonggobaan.

AMSAL 14:23

Kon bayongan in totayak oyúonbí in kauntungan; ouman inta diá totuu mokopopisí kon mobiag mobogá.

AMSAL 14:4

Aka diá in sapi, dá diábí doman in bungai in boyó; pinongin ropot in sapi, dá mobarongdon totok in bungai in boyó.

AMSAL 20:13

Intau inta siugon mobiag mobogá. Intau inta morajing mogaid mobarong in kaanon.

AMSAL 27:27

Nongkon bembému mita ibanea iko in mokouḻí kon susu pakéonmu bo pakéon in motoḷuadímu takin bobantungmu mita.

AMSAL 28:19

Monononggobá inta simiḷopí in mogaid in diábí kodaitan in kaanon; intau inta diá motaau mopomaké in wakutu in kodaitanbí in kaanon.

AMSAL 6:32

Táe naonda degá in intau ḷoḷaki inta nonuaḻing? Sia in nomoguyaatbí kon awaknea tontaní! Totuu mobodok in sia!

AMSAL 7:7

Bo inontongku nobayong in ede in tayowmobiag; táe sinaridianku totok in intaubí tobatú inta bodok kon sigad monia.

AMSAL 9:13

Kobobodok in naonda bo bobay inta mounsingog inta diá kopongalaman bo diá kooyá.

AMSAL 9:16

“Igai mongandup, ei moiko inta diápa kopongalaman!” Bo sia in moguman kon intau inta bodok,

AMSAL 9:6

Taḷaaidon in kobobodok, sinbá mosanang in iko. Duduiaidon in daḷan in intau moarip.”

YUNUS 2:8

Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

TESALONIKA 2 3:8

Kami in deemanbí tongá mokaan kon onu in ogoi intau bo diá mogaid, táe kami in iyumoyigabí totok in mogaid doḷom bo singgai sinbá diá tongá mokoposusamai kon intau ibanea.

HAKIM MITA 9:4

Onda intua mosia nobogoi kon inia in doit saḷaka pitu nopuḷú inta ginamá nongkon baḷoi pososumbaan kon i Baal-Berit. Doit tatua pinonondan i Abimelek kon kolompó in intau mita inta mongoraat sinbá moyotakinneadon,