AMSAL 11:30 - Alkitab Singog In Mongondow Masa In Tanaa

³⁰ Intau inta mobiag motoindudui in kinoḷukadan bidon in kobiagannea; intau inta mobijaksana modugang in dumoduduinea.

AMSAL 11:30 Mawu Ofanana

MAZMUR 92:14

Mosia in naonda bo pangkoi in kayu inta pinomuḷa kon Baḷoi Tuhan, bo mobui kon Baḷoi Allah naton,

AMSAL 12:12

Intau moraat moibog motayak kon kauntungan nongkon intau moromú; intau mopia in notongkaibí in pangkoi in ayop inta momungai.

AMSAL 14:25

Aka sakusi tobatú mosingog kon totuu, yo sia in moposaḷamat kon kobiagannea; aka monguboḷ in sia; yo sia in momaḻidawan kon tumpaḷa intau.

AMSAL 15:4

Tosingogon mita inta mopia mokoroton kon gina, tosingogon mita inta moraat mokoinggamá kon ibog.

AMSAL 3:18

Intau inta kumadai motantú kon hikmat in mokouḻíbí kon kobiagan inta moitutui bo mosanang.

DANIEL 12:3

Itoi mita inta mobijaksana in monindarbí naonda bo sindar in ḷangit. Bo mosia inta ain notundú kon mobayong in intau sin mogaid kon inta mopia bo moadil, in monindarbí naonda bo tundi mita modapot in mononoi.”

MATIUS 4:19

Ki Yesus noguman kon i monia: “Koḻigai, duduidon kon i-Nakó, sinbá moiko in baḻíon-Kudon mololandará kon intau.”

YOHANES 4:36

Bo tanaapabí doman mako bo intau inta mokokoyut tua in motarima kon tondan in pinogaidannea bo mosipundon kon bungai in kobiagan mopia bo inta mononoi. Dá intau inta nomuḷa bo inta nokoyut tumpaḷabí moḷunganga in gina.

TESALONIKA 1 2:19

Totuubí kon tongábí moiko nion in nobaḻí harapan bo inta nobaḻí batoḷ in dodob nami aka ki Yesus inta ki Tuhan naton mamangoi bui!

YAKOBUS 5:20

yo toropdon in tontagá tanaa: Intau inta ain nodia mangoi kon intau tobatú binaradosa bui namangoi kon i Allah, yo intau tatua ain noposaḷamat kon jiwa in intau baradosa tatua nongkon kinopatoiannea bo nokopopisí kon nobarong in dosa inampungan. Horomat nami, Ki Yakobus

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”