AMSAL 11:23 - Alkitab Singog In Mongondow Masa In Tanaa

²³ Onu in koibog in intau mopia umuranbí mokopoangoi kon inta mopia, táe inta motaau harapon mako in intau moraat in tongábí tumorú.

AMSAL 11:23 Mawu Ofanana

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

MAZMUR 119:5

Igumon mako akuoi takin gina moroton dumudui kon atorang-Mu mita.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 37:4

Tayakdon in kopiaanmu kon i Tuhan, Pooropon-Neabí in ibog in ginamu.

AMSAL 10:28

Kamang in intau mopia mokopobaḻí kon inia mosanang; kamang in intau moraat diá in batainea.

AMSAL 11:24

Oyúon in intau moibog mobogoi, táe modugangbí mooyúon, oyúon in morinut, táe modugang mobiag mobogá.

AMSAL 11:7

Aka intau moraat matoi, kamangnea in matoibí domandon; mopongata in ropot tontaní in diá in mangaḻenea.

AMSAL 12:5

Intau motuḻid in moraibí kon onu mita inta mopia; intau moraat in monomayá kon naonda in pongonguboḷ.

AMSAL 13:2

Tosingogon in intau mopia mokopoangoi kon kauntungan; intau inta diá motuḻid in gina moibog kon aid moromú.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

YEREMIA 17:16

Táe, o Tuhan, diábí kon dodai in onda in akuoi nondodak sinbá Iko mopoantug in bodito kon i monia. Akuoi in diábí doman nopoigum sinbá onagon in bodito in mosia. Kinotaauan-Mu intua, Tuhan. Kinotaauan-Mu onu in siningogku.

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.

IBRANI 10:27

Dongka bidon tobatú in sinadia kon i naton, tuata in tumayow kon pongadilan i Allah bo tuḷu in torú-Nea inta momokak kon intau mita inta moḷawang kon i-Nia!