AMSAL 11:21 - Alkitab Singog In Mongondow Masa In Tanaa

²¹ Intau moraat in notantú bidon kon hukumon; intau mopia in mosaḷamatbí.

AMSAL 11:21 Mawu Ofanana

AYUB 36:17

Táe tanaa podudui in aidmu moraat, iko in notarima kon hukumanmu.

MAZMUR 37:26

Sia in umuranbí mopoḷuan bo mobogoi, bo ki adínea mita in nobaḻí barakat kon inia.

IḶUAIAN 23:2

Dika moibog moyokapog in intau mobarong aka mosia mogaid kon moitaḷá andeka mopotabat in atorang takin mopoyaput in tosingogon inta diá totuu.

IḶUAIAN 23:7

Poyayú mako in moponapud in uboḷ bo donaai mokopopisí kon intau inta diá kotaḷá hukumon matoi, sin kodoí-Kubí in intau inta momia kon moraat natua.

AMSAL 11:20

Ki Tuhan in doíbí kon intau inta gina moraat, táe Sia in motabibí kon intau inta nobiag diá in bogit.

AMSAL 11:22

Koḷunat in bobay inta diá mopia notongkai in sising buḷawan kon tunggi in boké.

AMSAL 12:21

Intau mopia in diábí kotugatan in bodito; intau moraat in umuranbí kotugatan in yoyiga.

AMSAL 13:22

Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

YEREMIA 44:15

Bo namangoidon in intau mobayong totok kon inakó, bayongan ḷoḷaki inta nokotaaumai kon ki buḷoi monia in noposumba in kuruban kon dewa, bo bayongan in bobay inta sinimindog mako kon tua, noitakin doman in intau mita in Israel inta nogutun kon Patros, kon dotá in toḷatan in Mesir. Mosia in noguman kon inakó,

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”