AMSAL 11:2 - Alkitab Singog In Mongondow Masa In Tanaa

² Intau inta moḷoḷatú in singkuḻeonbí; intau inta moompá in dodia in mobijaksana.

AMSAL 11:2 Mawu Ofanana

AMSAL 15:33

Motoguondok kon Tuhan in nobaḻí dodoyonan in topotundú inta mopia; kahoromatan inunaan in ompá in dodia.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

AMSAL 29:23

Intau moḷoḷatú in poompáanmai; intau inta moompá in gina in dayowon.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”