AMSAL 11:13 - Alkitab Singog In Mongondow Masa In Tanaa

¹³ Intau inta moibo-ibog mopotaau in habar diá totuu diábí mokotagú kon rahasia, táe intau inta motaau pirisayaan motaaubí mobuni kon pelekara.

AMSAL 11:13 Mawu Ofanana

AMSAL 10:19

Mobarong in singog, mokodugang doman kon dosa; intau inta mokoḷukad kon dilánea in mobijaksana.

AMSAL 11:12

Moningkuḻe kon intau ibanea in oaidbí inta dondunguḷ; intau inta mopandoi, diábí mosingog kon onuka.

AMSAL 12:23

Intau mobijaksana in diábí mongonguman kon sinotaaunea; intau bodok mopotaa-taau mako in kobobodoknea.

AMSAL 14:5

Sakusi inta mojujur tantúbí moguman kon onu inta totuu, sakusi inta diá motaau pirisayaan tantúbí monguboḷ.

AMSAL 19:11

Intau mobijaksana in mokoigonbí kon torúnea. Sia in dayowon sin diá mopandungmai kon taḷá in intau kon inia.

AMSAL 20:19

Intau inta moibo-ibog mongonguman kon intau ibanea, diábí motaau motagú kon rahasia; dika moyobayat in intau inta moantó in ouman.

AMSAL 25:9

Aka moyotaḷá takin yobayatmu, yo poyotutuipa intua tongá takinnea, táe onu in iharasia in intau dikabí potaaumu.

YEREMIA 38:27

Diá noonggot kon tua bayongan in pojabat tatua namangoi bo nopoḻibo-ḻibó kon inakó. Akuoi in noguman kon i monia noitugat ná inta pinarenta i datu kon inakó. Takin natua mosia in diá nokopongonu sin diá tobatúmai in intau nonotaau kon yosingog naminda i datu.

IMAMAT 19:16

Dika moponapud magí-mako in uboḷ kon sigad in intau mita inta tobangusamu, sinbá iko in diá mokopopisí kon kopatoian in tumpaḷa intau. Akuoi in ki Tuhan.

TIMOTIUS 1 5:13

Apadoman wakutu monia in tongá modait kon agían akoan kon baḷo-baḷoiannea. Bo moiḻiu doman in raat kon tua aka mosia in moibog doman moporaa-raatmai kon tangoi intau ibanea bo moibog doman umaui kon urusan in intau ibanea, bo mongonguman doman kon soaḷ mita inta diá patus oumanon kon intau ibanea.

YOSUA 2:14

Dá toimata doyowa tatua notubag, “Kami in modandidon kon aka ogoidon i Tuhan in butá tanaa kon i nami, kopiaanbí nami in pogogaid kon i monimu, asaḷ bo diá oumanonmu kon i ineka in kami naa. Kutukonbí i Tuhan in kami aka diá totuuon nami in dandi tatua.”

YOSUA 2:20

Tongá ḻimbannea mako kon tua, aka potaaumu in kami kon intau ibanea, dá kami in diá bidon noitogot kon dandi inta pinoigummu kon inami.”