AMSAL 11:11 - Alkitab Singog In Mongondow Masa In Tanaa

¹¹ Barakat in intau motuḻid in gina mokogaga kon kotá; tosingogon in intau moraat mokogoguyaat kon inia.

AMSAL 11:11 Mawu Ofanana

KINOBAḺIAN 45:8

Dá sabanarnea in deemanbí moiko in nokopopisí kon inakó noiangoi in naa, táe ki Allahbí. Binaḻídon i Allah in akuoi pogawai i datu inta kon ḻimonik in bayongan pogawainea kon Mesir naa. Akuoi ain inogoian in kawasa kon bayongan komaḻignea bo bayongan butá in Mesir.

SAMUEL 2 20:1

Kon Gilgal oyúon in intau mononuyayow tangoinea in ki Seba. Ki adí i Bikri in sia, nongkon suku in Benyamin. Kon dodai in ki Daud bo intaunea mita namangoi, nogirup in ki Seba kon torompet bo nomaḷú, “Diábí in tondoḷ naton bo i Daud. Onubí in mangaḻenea dumudui in kita kon inia? Ei intau mita in Israel, koḻigai mobui in kita!”

AYUB 22:30

Ki Allah in motuḷungbí kon inimu aka diá in iko kotaḷá, bo aka mogaid in iko kon inta kinoibog-Nea.”

AMSAL 11:10

Morame in kotá aka intau mobanar in mokouḻí kon rijiki; intau mita in monggoḷokapbí aka intau moraat in matoi.

AMSAL 11:12

Moningkuḻe kon intau ibanea in oaidbí inta dondunguḷ; intau inta mopandoi, diábí mosingog kon onuka.

AMSAL 14:34

Aid moadil bo aid mopia mopoḻintakbí kon tangoi in bangusa, táe dosa in mokopopisí kon bangusa poompáanmai.

AMSAL 28:2

Aka bangusa baradosaan, pongawasanea in umuran baḷuian; aka itoi bo mobijaksana, yo bangusa in umuranbí koḷukadan bo tantúbi ponango-nangoian.

AMSAL 29:8

Intau inta moibog mopotaḷá mokotombaukbí kon kotá, táe intau mobijaksana in mokoonowbí kon kaadaan.

MOHOHUTUBA 9:15

Kon kotá tatua oyúon in intau nobiag nobogá inta mobijaksana. Sia in nokoposaḷamatbí kon kotá tatua. Táe popisí in sia nobiag nobogá, onu in pinomianea tatua baḷúdon kinoḻiongan bo diá tobatúmai in intau nokotorop kon inia

YAKOBUS 3:6

Dilá tua in naonda bo tuḷu. Kon awak naton, sia in mobaḻí pangkoi in moraat inta mopobaya-bayá mako in moraat kon bayongan in awak naton. Takin tuḷu inta nongkon naraka, sia in momokak kon bayongan kobiagan naton.