AMSAL 10:9 - Alkitab Singog In Mongondow Masa In Tanaa

⁹ Intau motuḻid, moaman in kobiagannea; intau inta monguboḷ in kotaauanbí.

AMSAL 10:9 Mawu Ofanana

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

AYUB 8:20

Táe ki Allah in diábí kon dodai in onda in monaḷámai kon intau inta motoindudui, bo diábí doman kon dodai in onda in Sia in motuḷung kon intau moraat.

MAZMUR 23:4

Umpakabí akuoi mongin ḷopá inta mosindip, diábí in akuoi moondok in anib, sin Iko in nogindua kon inakó. Iko in noḷukad kon inakó naonda bo gombala noḷukad kon dombanea nomaké in tungkud bo popangkuḷ.

MAZMUR 25:21

Poigumon mako kopiaan bo kojojujur moḷukad kon inakó, sin akuoi in mongamang kon ini-Mu.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

AMSAL 17:20

Intau inta mouboḷ in diábí mosanang, intau inta tongá kinosingo-singognea in mokouḻíbí kon bodito.

AMSAL 26:26

Umpaka bunionnea in yaat in ginanea, yo ontongonbí kon bayongan in aidnea inta moraat.

AMSAL 28:1

Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

AMSAL 28:18

Intau inta mobiag diá in bogit in mosaḷamatbí. Intau inta mopoḷandó, in moḷabúbí.

AMSAL 3:23

Iko in moamanbí in mayá, bo diábí moipintud.

MATIUS 10:26

“Manangka intua donaaidon moiko moondok kon i monia. Sin diábí in tobatúmai inta noiḻingkop, in diá bukatan, bo diábí doman in tobatúmai inta noibuni in diá popotaau.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

TIMOTIUS 1 5:25

Ná doman tua in oaid mita mopia baḷúbí koontongan, bo inta diá mogampang koontongan in diábí umuran moiadop.