AMSAL 10:8 - Alkitab Singog In Mongondow Masa In Tanaa

⁸ Intau inta mopandoi, moibog motarima kon tonggina; intau inta tongá kino singo-singognea in moiḷangkambí.

AMSAL 10:8 Mawu Ofanana

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

AMSAL 1:5

Pongin tonggina mita tanaa intau mobijaksana in modugang doman in totaaunea, bo intau inta ain notaau in kapiton doman.

AMSAL 10:10

Ki ine in mobuni kon inta moitutui, mokopomuká kon roriga; ki ine in monoboḷow moyogintayow mako, moḷongasi mopoangoi in kobiagan motompia.

AMSAL 10:14

Intau mobijaksana mosipun kon ilimu; aka intau bodok mosingog, sia in mokopopisí kon bodito.

AMSAL 12:1

Intau inta motabi kon sinotaau in moibog toboḷowon; táe intau inta doí toboḷowon in intaubí inta dondunguḷ.

AMSAL 12:13

Intau moraat in koakaḷan in tosingogon mita moraat inta siningognea; intau mopia kotaḻiban in roriga.

AMSAL 13:3

Intau inta muna morai bo mosingog moaman in kobiagannea; intau inta tongá kino singo-singognea koantugan in roriga.

AMSAL 14:23

Kon bayongan in totayak oyúonbí in kauntungan; ouman inta diá totuu mokopopisí kon mobiag mobogá.

AMSAL 14:8

Intau mobijaksana in kotaauanneabí onu in aidannea, intau bodok koakaḷan in kobobodoknea.

AMSAL 9:8

Dika moningkuḻe kon intau inta doí tundúon, sin moyaat in ginanea kon inimu. Táe aka intau inta mobijaksana bo popotaaumu in taḷánea, yo iko in horomatonneabí

AMSAL 9:9

Aka intau mobijak tongginaanmu, yo modugang mobijaksana in sia. Bo aka intau inta motoindudui kon i Allah tundúonmu, yo modugang motaau in sia.

MOHOHUTUBA 10:12

Tosingogon in intau moarip modia kon inia horomaton, táe intau bodok in moyopú popisí in tosingogonnea mita tontaní.

YAKOBUS 3:13

Aka kon sigad monimu oyúon intau inta mobijaksana bo mopandoi, yo mustibí intua poniatanea kon kobobiag mopia takin mogaid kon soaḷ mita inta mopia, inta sinakinan in gina inta diá mosiḷantud bo kabijaksanaan.