AMSAL 10:21 - Alkitab Singog In Mongondow Masa In Tanaa

²¹ Tosingogon in intau inta mopia, in mobaḻí barakat kon intau mobayong; kobobodok in intau bodok in moḻimodbí kon inia tontaní.

AMSAL 10:21 Mawu Ofanana

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

MAZMUR 37:30

Intau mopia mosingog takin bijaksana, sia in umuranbí motuḻid kon bonu in singognea.

AMSAL 1:29

Moiko in naonda bo intau inta diápa nokoimontanmai in moibog motayak kon sinotaau, bo doí dumudui kon i Tuhan.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

AMSAL 10:11

Pososingog in intau mopia mokopoangoi kon kobiagan mopia, táe kon tosingogon mita in intau moraat noibuni in gina inta moromú.

AMSAL 12:18

Tongá kino singo-singognea in mokotompaḻí kon gina naonda bo turakon in pitow; tosingogon mita mobijaksana in naonda bo undam inta mokopia.

AMSAL 15:4

Tosingogon mita inta mopia mokoroton kon gina, tosingogon mita inta moraat mokoinggamá kon ibog.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

AMSAL 17:16

Diá baraguna in intau bodok mokopodait kon doit motayak kon hikmat, sin sia in diábí koraian inta mosehat.

AMSAL 5:12

Bo iko in moguman, “Ah, nongonu sin akuoi in doíbí kon tonggina? Nongonu sin akuoi in doíbí sinoboḷow?

AMSAL 5:2

sinbá kotaauanmu mongo naonda in pododiamu kon aidmu bo mosingog saḷaku intau inta kopongotahuan.

AMSAL 5:23

Sia in matoi popisí in doí tongginaan. Dondunguḷnea nodia kon inia kon kogoguyaatan.

AMSAL 6:32

Táe naonda degá in intau ḷoḷaki inta nonuaḻing? Sia in nomoguyaatbí kon awaknea tontaní! Totuu mobodok in sia!

MOHOHUTUBA 12:11

Tosingogon in intau moarip tua in naonda bo tungkud moruit in gombala tobatú, tungkud inta pinakénea poḷukad kon dombanea. Pinosipunan kon amsal bo tonggina, naonda bo pakú inta noikeket noropot. Tua komintan ki Allahbí doman in nobogoi, gombala naton totobatú tua.

YESAYA 5:13

Tuamai in umat-Ku inta diá nonotaau in onu bo onu in diaanbí mayá nobaḻí intau dinakop. Itoi mita bo rayat in matoibí in gogoy bo rogang.

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

YEREMIA 3:15

Akuoi in mobogoibí kon inimu in itoi mita inta motoindudui kon i-Nakó. Mosia in mobaḻí itoi monimu takin bijaksana bo momangaḻe kon i monimu.

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

MATIUS 12:35

Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

MATIUS 13:19

Batoḷ inta noḷabú kon daḷan tua mangaḻenea in intau inta nokodongog kon Pirman kon naonda in ki Allah momarenta, táe diá kinomangaḻean monia. Kon tua namangoidon in Ibilis bo nogagow kon inta ain inambor kon bonu in gina monia.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

PETRUS 1 5:2

ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah.