AMSAL 10:18 - Alkitab Singog In Mongondow Masa In Tanaa

¹⁸ Intau inta mobuni kon yaat in gina yo sia in intaubí mouboḷ. Intau inta moponapud magí mako in uboḷ in intaubí dondunguḷ.

AMSAL 10:18 Mawu Ofanana

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

MAZMUR 101:5

Intau inta umuni-uni moponapud in uboḷ in putúanbí. Intau inta moḷoḷatú bo motosiḷantud in diábí pomayáku mako.

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

MAZMUR 15:3

inta diá noponapud in uboḷ kon tumpaḷa intau, diá mopoaid in moraat kon yobayat, bo diá moporaa-raatmai kon tangoi in topodiugneamai;

MAZMUR 5:9

O Tuhan, totuubí mobayong in saturuku! Kapitdon in akuoi in mogaid kon onu in kinoibog-Mu, bo poontongdon in daḷan-Mu inta musti bayáanku.

MAZMUR 50:20

Iko in umuranbí moponapud in uboḷ kon ginaḷummu, bo moposingo-singogmai kon i utatmu totok.

MAZMUR 55:21

Yobayatku dungkuḷmai monubu kon yobayatnea mita, iḻimimpatdon in sia kon dodandiannea.

IḶUAIAN 23:1

“Dika mopotáa-taau mako in habar diá totuu, bo dika motuḷung kon intau moraat inta nopoyaput in ouman diá totuu.

YEREMIA 6:28

Mosia komintan in momomarontak inta pamandot, naonda bo kotogat in bitú bo uatoi. Oaid monia in diá mopia bo maya-mayá mako sin mopotaau in habar inta moporomú kon intau ibanea.

YEREMIA 9:4

Umpaka kon yobayat, yo kon batúan in intau musti mokopoingat bo utat inoyod yo diá doman motaau pirisayaan. Sin, ná ki Yakub yo natua doman in mosia, kon batúannea monguboḷ kon i utatnea. Batúan in intau maya-mayá mako sin moponapud in diá totuu bo uboḷ.

IMAMAT 19:16

Dika moponapud magí-mako in uboḷ kon sigad in intau mita inta tobangusamu, sinbá iko in diá mokopopisí kon kopatoian in tumpaḷa intau. Akuoi in ki Tuhan.

SAMUEL 1 18:29

Dá nodugangdon in ondoknea kon i Daud bo kinodoíneadon in ki Daud kinoouputbí in kobiagannea.