AMSAL 1:5 - Alkitab Singog In Mongondow Masa In Tanaa

⁵ Pongin tonggina mita tanaa intau mobijaksana in modugang doman in totaaunea, bo intau inta ain notaau in kapiton doman.

AMSAL 1:5 Mawu Ofanana

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

AYUB 34:10

Ei intau mita inta moarip, indongogai! Umpaka dá ki Allah Inta mokawasa totok mogaid kon moitaḷá?

AYUB 34:16

Dá, aka iko moarip, taridiaibí, buká in bongoḷanmu bo indongogaidon.

AYUB 34:34

Bayongan in intau moarip notantúbí kon moibog kon tua; intau mobijak inta mokodongog kon singogku in mogumanbí

AMSAL 12:1

Intau inta motabi kon sinotaau in moibog toboḷowon; táe intau inta doí toboḷowon in intaubí inta dondunguḷ.

AMSAL 14:6

Intau moḷoḷatú in diábí mobaḻí mobijaksana, táe intau mopandoi motoyongbí in pobalajarannea.

AMSAL 18:15

Intau mopia in tantúbí moibog in sinotaau; intau mobijaksana in umuranbí moibog mokouḻí kon totundú.

AMSAL 19:25

Aka intau moḷoḷatú hukumon, intau inta diá kopongalaman mokouḻí kon topotundú. Aka intau mopia toboḷowon yo modugang in sia mobijaksana.

AMSAL 21:11

Hukuman kon intau mononingkuḻe in mobaḻí topotundú kon intau inta diá kopongalaman. Aka intau mopia in toboḷowon, modugang in sia mobijaksana.

AMSAL 8:33

Tarimadon in tongginaku bo kobaḻídon mobijaksana, dikabí toḻikudanmu intua.

AMSAL 9:8

Dika moningkuḻe kon intau inta doí tundúon, sin moyaat in ginanea kon inimu. Táe aka intau inta mobijaksana bo popotaaumu in taḷánea, yo iko in horomatonneabí

AMSAL 9:9

Aka intau mobijak tongginaanmu, yo modugang mobijaksana in sia. Bo aka intau inta motoindudui kon i Allah tundúonmu, yo modugang motaau in sia.

MOHOHUTUBA 9:11

Kon dunia naa oyúonpa doman in inontongku: kon totandingan in diábí umuran intau inta moḻikat in mokountung, kon poparangan in diábí umuran intau moropot in mountung. Intau mobijaksana in diábí umuran mokouḻí kon oaidan. Bo intau mopandoi in diábí umuran mokouḻí kon kaoyúonan. Bo intau inta motaau totok diábí umuran mobaḻí ponango-nangoian. Sin ki inekabí kotugatanbí in ukur diá mopia.

KORINTUS 1 10:15

Akuoi in moguman kon i monimu naonda bo moguman kon intau mita inta mopandoi. Raidon onu in pinogumanku naa.

ULANGAN 4:6

Aidai intua pokosatia. Aka aidan monimu in natua, dá kobobijaksanamu in moniatadon kon bangusa mita ibanea. Aka kodongogandon monia in hukum mita tatua, yo mosia in mogumanbí nanaa, ‘Totuu mobijaksana bo mopandoi in bangusa inta moḷoben tatua!’