AMSAL 1:4 - Alkitab Singog In Mongondow Masa In Tanaa

⁴ Intau inta diá kopongalaman in tundúonnea dá mopandoidon morai, bo intau inta moguodpa in mobaḻídon intau mopandoi bo pororainea in nádon onda bo intau inta ain nogurang.

AMSAL 1:4 Mawu Ofanana

MAZMUR 116:6

Ki Tuhan in noḷukad kon intau mita inta moompá in gina; kon tungkuḷ in akuoi diádon mokopongonu pinosaḷamat-Nea in akuoi.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

MAZMUR 19:7

Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

MAZMUR 34:11

Umpaka singa mita yo gogoyonbí doman popisí in kodaitan in kaanon; táe intau inta mosumba kon i Tuhan in diábí kodaitan.

AMSAL 3:21

Tuamai, kadaidon kon hikmat bo kon pororai inta modaḷom, adíku! Dika mokoimontanmai in umukat kon inia,

AMSAL 8:12

Akuoi naa in hikmat; kon inakó naa oyúon in pongortian, kabijaksanaan bo pongotahuan.

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

AMSAL 8:32

Tuamai, indongogaidon in akuoi, ei intau mita inta mongobagupa! Duduiaidon in topotundúku, dá mosanangbí in iko.

AMSAL 8:5

Moiko inta diápa kopongalaman, pobalajar kon raian inta mopandoi; moiko inta moraat, pobalajardon momangaḻe.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

ULANGAN 4:6

Aidai intua pokosatia. Aka aidan monimu in natua, dá kobobijaksanamu in moniatadon kon bangusa mita ibanea. Aka kodongogandon monia in hukum mita tatua, yo mosia in mogumanbí nanaa, ‘Totuu mobijaksana bo mopandoi in bangusa inta moḷoben tatua!’

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

TITUS 2:6

Ná doman tua, tongginaai in intau mita inta nongoguodpa sinbá mobalajar in mosia monahang kon gina kon bayongan in yagi-yagi.