AMSAL 1:2 - Alkitab Singog In Mongondow Masa In Tanaa

² Makusudnea in motuḷungbí kon intau sinbá monotaau kon naonda in mobaḻí mobijaksana, bo monotaau in atorang kon naonda in kobobiag bo monotaau kon tosingogon mita inta modaḷom in mangaḻenea.

AMSAL 1:2 Mawu Ofanana

AMSAL 15:33

Motoguondok kon Tuhan in nobaḻí dodoyonan in topotundú inta mopia; kahoromatan inunaan in ompá in dodia.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

AMSAL 17:16

Diá baraguna in intau bodok mokopodait kon doit motayak kon hikmat, sin sia in diábí koraian inta mosehat.

AMSAL 19:20

Aka iko moibog mobalajar bo mokidongog kon tonggina, yo kon singgai moiduduimai iko in mobaḻí intau inta kohikmat.

AMSAL 2:9

Aka iko bo motoindudui kon inakó, adíku, yo kotaauanmubí onu in moadil, mojujur bo mopia. Kotaauanmu doman naonda in kobobiagmu.

AMSAL 4:1

Uḻe mongoadí mita, indongogaibí in tonggina i amámu! Tondudut intua, dá mobaḻí in iko moarip.

AMSAL 7:4

Anggapdon in hikmat tua in nobaḻí ki utatmu bo sinotaau in nobaḻí yobayatmu modagin.

AMSAL 8:33

Tarimadon in tongginaku bo kobaḻídon mobijaksana, dikabí toḻikudanmu intua.

AMSAL 8:5

Moiko inta diápa kopongalaman, pobalajar kon raian inta mopandoi; moiko inta moraat, pobalajardon momangaḻe.