AMSAL 1:1 - Alkitab Singog In Mongondow Masa In Tanaa

¹ Naa in tonggina mita i Salomo ki adí ḷoḷaki i Daud, datu in Israel.

AMSAL 1:1 Mawu Ofanana

DATU MITA IMITÁNEA 2:12

Onda intua ki Salomo in nobaḻí datu nonoḻiu kon i Daud, ki amánea. Kawasa i Salomo saḷaku datu noroton totok.

DATU MITA IMITÁNEA 5:12

Ki Tuhan in nogintompod kon dandi-Nea bo nobogoi in pandoi kon i Salomo. Kon sigad i Hiram bo i Salomo nobaḻí in yoyobayatan inta mopia, bo taya dua ain nomia kon tontogot in dodandian.

TAWARIKH 1 22:9

Umpaka natua, nodandi in Sia kon inakó nanaa: ‘Iko in mokouḻíbí kon adí ḷoḷaki tobatú inta momarenta takin mobiag motompia sin Akuoi in motuḷung kon inia dá diá in musung in monubu kon inia. Sia in tangoian ki Salomo sin kon bonu in sia in momarenta, Akuoi in mobogoibí in kobiagan motompia bo moaman kon bayongan in Israel.

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

TAWARIKH 1 29:23

Dá inta nobaḻí toḻiu i Daud ki amánea, ki Salomo in iḻimitú kon ḷoḻitúan in datu inta ain sinantú i Tuhan. Sia in datu inta nokodapot kon oaidannea komintan bo kinobangkaḷ in bayongan in bangusa Israel.

TAWARIKH 1 29:28

Nooyúon in sia bo ihoromat bo minatoi kon dodai in nogoguyangdon. Ki Salomo ki adínea ḷoḷaki in nobaḻí datu nomaḷui kon inia.

AMSAL 10:1

Naa in tonggina mita i Salomo: Adí inta mobijaksana in mokoyunggagá kon gina i amánea; adí inta bodok mokororiga kon gina i inánea.

AMSAL 22:21

bo inta motundú kon inimu onu inta totu-totuu mobanar. Komintanmai, aka iko in poḻibóan, yo iko in mokotubagbí podudui kon onu inta iḻibó.

AMSAL 25:1

Moiduduimai naa oyúon doman in tonggina mita nongkon i Salomo inta pinais bui in pogawai mita kon komaḻig i Hizkia, datu in Yohuda.

MOHOHUTUBA 1:1

Singog mita kon bonu in buk tanaa in nongkon i Intau inta Mopandoi, ki adí ḷoḷaki i Daud, inta nomaḷui kon i Daud nobaḻí datu kon Yerusalem.

MOHOHUTUBA 12:9

Ki Inta Momomikir tua in moarip bo mobijaksana. Tuamai in sinundúnea kon umat in bayongan pongotahuannea. Mobayong in amsal in binalajarnea bodongka tungkuḷannea mongo totuu.

YOHANES 16:25

“Naa komintan in poguman-Ku kon i monimu takin momaké in oandaian. Táe moiangoibí in wakutunea, Akuoi in diádon momaké in oandaian, táe poguman-Ku bidon taran-tarangan kon i monimu in soaḷ ki Amá.