زَبور 78:35 - هُدائے پاکێن کتاب، بلۆچی زبانا

³⁵ هئیالا کپتنت که هُدا آیانی تلار اِنت، هما بُرزێن اَرشئے هُدا، آیانی پُشت و پناه.

زَبور 78:35 Mawu Ofanana

زَبور 106:13

بله زوتّ بێهئیال بوتنت که آییا چے کرتگ‌اَت و په آییئے شئور و سَلاها ودارِش نکرت.

زَبور 106:21

وتی رَکّێنۆکێن هُدااِش شمُشت، هما که مِسرا مزنێن کاری کرتگ‌اَت.

زَبور 74:2

وتی کئومئے یاتا بکپ، که تئو چه دێرێن زمانگان په بها زرتگ‌اتنت، که تئو مۆکِتگ‌اَنت تان تئیی کئوم و میراس ببنت. سَهیونئے کۆهئے هئیالا بکپ که اۆدا جهمنند بوتگئے.

زَبور 78:11

آییئے کرتگێن کارِش شَمُشتنت، هما اَجَبێن کار که آیانا پێشی داشتگ‌اتنت،

زَبور 78:42

آییئے دستئے زۆرِش یات نکرت که آ رۆچا چۆن چه دژمنانی دستا رَکّێنتنتی،

زَبور 78:7

تانکه آ هم هُدائے سرا تئوکل بکننت و هُدائے کاران مشَمۆشنت و آییئے هُکمان بمنّنت.

دَرگوَز 15:13

تئو په مِهر وتی مۆکِتگێن مهلوکئے رهبری کرت و گۆن وتی زۆر و واکا دێم په وتی پاکێن بارگاها آیانی رهشۆنی کرت.

دَرگوَز 6:6

پمێشکا منی اے پئیگاما اِسراییلیان سَر کن: ’من هُداوند آن. من شمارا چه مِسریانی بیگاریا کشّان و چه گُلامیا آزاتَ کنان. دستا شهارَ دئیان، مِسریان گرانێن سِزا دئیان و شمارا مۆکان.

په تیتوسا پولُسئے کاگد 2:14

ایسّا مَسیها وتی زند په ما نَدر کرت که مارا چه مئے سجّهێن سِلکاریان بمۆکیت و په وت کئومے پاک و پلگار بکنت که آییئے جندئیگ ببیت و اے کئوم په شرّێن کارئے کنگا هُبّیگ و هُدۆناک ببیت.