زَبور 76:6 - هُدائے پاکێن کتاب، بلۆچی زبانا

⁶ او آکوبئے هُدا! چه تئیی نهِرّان، آیانی اَرّابه و اسپان سر په مَرکئے وابا دات.

زَبور 76:6 Mawu Ofanana

زَبور 104:7

آپ چه تئیی نِهِرّان جِستنت، چه تئیی گْرندانی تئوارا بالِش کرت،

زَبور 18:15

دریائے آپراه گِندگ بوتنت و دنیائے بُنیات پدّر، چه تئیی نِهرّ و هکّلان چه تئیی پۆنزئے ترندێن گواتا، او هُداوند!

زَبور 80:16

دژمنان انگور گُڈِّت و آسا دئور دات، اے گۆن تئیی هکّلێا گار و گُمسار باتنت.

دَرگوَز 15:1

گڑا موسّا و اِسراییلیان په هُداوندا اے نازێنک جت: ”من هُداوندا نازێنان، چێا که هُداوند په شان و شئوکت سۆبێن بوت. آییا اَسپ و اَسپ‌سوار دریایا چَگَل داتنت.

دَرگوَز 15:10

بله تئو هُپّ کرت و دریایا آ پۆشِتنت. آ چۆ سْرُپا جُهلێن آپان اێر بُکّتنت.

دَرگوَز 15:21

مَریما په آیان نازێنک جت: ”هُداوندا بنازێنێت، چێا که هُداوند په شان و شئوکت سۆبێن بوت. آییا اَسپ و اَسپ‌سوار دریایا چَگَل داتنت.“