زَبور 68:2 - هُدائے پاکێن کتاب، بلۆچی زبانا

² اَنچش که دوتّ بالَ کنت اِشان بتاچێن، اَنچش که مۆم آسئے دێما آپَ بیت، بدکار هُدائے درگاها گار و گُمسار باتنت.

زَبور 68:2 Mawu Ofanana

زَبور 22:14

چۆ که آپا رێچگ و تالان بوتگان سجّهێن هَڈُّن چه بندان در آتکگ‌اَنت. دلُن چۆ که مۆما آپ اِنت و سێنَگا سۆچیت.

زَبور 37:20

بله بدکار گارَ بنت، هُداوندئے دژمن چَراگاهئے سبزگانی پئیما گار. هئو! زیانَ بنت، دوتّئے پئیما زیان.

زَبور 76:7

تئو باکَمال ائے، وهدے هِژمَ گرئے، کئے تئیی دێما اۆشتاتَ کنت؟

زَبور 80:16

دژمنان انگور گُڈِّت و آسا دئور دات، اے گۆن تئیی هکّلێا گار و گُمسار باتنت.

زَبور 97:5

هُداوندئے دێما کۆه چۆ مۆما آپَ بنت، سجّهێن جهانئے هُداوندئے دێما.