زَبور 119:55 - هُدائے پاکێن کتاب، بلۆچی زبانا

⁵⁵ او هُداوند! شپان تئیی ناما یاتَ کنان و تئیی شَریَتئے راها بان.

زَبور 119:55 Mawu Ofanana

زَبور 119:17

وتی هزمتکارئے سرا مهربان بئے تانکه زندگ بمانان و تئیی هبرئے پرمانبرداریا بکنان.

زَبور 119:34

منا اَگل و هۆش بدئے که من تئیی شَریَتئے پابند ببان و په دل و سِتک اِشیئے رَندگیریا بکنان.

زَبور 119:44

مدام تئیی شَریَتئے رَندگیرَ بان، اَبد تان اَبد.

زَبور 139:18

اگن هساب کنگِش بلۆٹان، چه رێکانی دانگان گێشتر اَنت. وهدے آگهَ بان، اَنگت گۆن تئو آن.

زَبور 42:8

رۆچا، هُداوند وتی مِهرا دێمَ دنت و شپا سئوت و زێملی گۆن من اِنت، دْواے دێم په وتی زِند بَکشۆکێن هُدایا.

زَبور 63:6

وتی بسترئے تها هم ترا یاتَ کنان و شپانی پاسان تئیی هئیالا بان.

زَبور 77:6

شپان، وتی سئوتئے هئیالا کپان، دلا باز پگریگَ بان و اَرواهُن جُستَ کنت:

لوکا 6:12

هما وهدا یکّ رۆچے، ایسّا په دْوا کنگا کۆها شت و سجّهێن شپی گۆن هُدایا په دْوا گوازێنت.

یوهَنّا 14:21

آ کَسا که منی هُکم گۆن اَنت و اِشانی سرا کارَ کنت، هما کَس منا دۆستَ داریت. آ که منا دۆستَ داریت، منی پت هم آییا دۆستَ داریت و من هم آییا دۆستَ داران و وتا په آییا زاهرَ کنان.“

یوهَنّا 15:10

اگن منی هُکمانی سرا کار بکنێت، منی مِهرانی ساهگا مانێت، اَنچُش که من وتی پتئے هُکمانی سرا کار کرتگ و آییئے مِهرانی ساهگا نِشتگان.

کاسِدانی کار 16:25

شپنێما، پولُس و سیلاس جێلئے تها دْوا کنان، هُدایا ستا کنگا اَتنت. اے دگه بندیگ گۆش دارگا اَتنت.