زَبور 114:3 - هُدائے پاکێن کتاب، بلۆچی زبانا

³ دریایا دیست و تَتک، اُرْدُنئے کئور، پُشتا کنزِت.

زَبور 114:3 Mawu Ofanana

زَبور 104:7

آپ چه تئیی نِهِرّان جِستنت، چه تئیی گْرندانی تئوارا بالِش کرت،

زَبور 106:9

آییا سُهرزِر نِهرّ دات و زِر هُشک بوت، چه جُهلانکیان اَنچش گوازێنتنتی که پوره گیابانے.

زَبور 74:15

جۆ و سرچمّگ، تئو رُمبێنت و رئوان کرتنت، مُدامیگێن کئور، تئو هُشک کرتنت.

زَبور 77:16

آپان ترا دیست، او هُدا! آپان ترا دیست و لَرزِتنت، جُهلانکی دْرَهگا لگّتنت.

زَبور 77:17

جمبران آپَ گوَرت و آسمانان گْرندِت، تئیی گْرۆکئے تیر هر نێمگا رِتکنت.

دَرگوَز 14:21

موسّایا وتی دست دریائے سرا شهار دات و چه هُداوندئے زۆرا سجّهێن شپا چه رۆدراتکا ترُندێن گواتێا کَشِّت و دریا پُشتا کِنزێنت. آپ دو بهر بوت و هُشکی زاهر بوت.

دَرگوَز 15:8

چه تئیی پۆنزئے دَما آپ سر په سر بوت، تچۆکێن آپ چۆ دیوالا مُهر اۆشتاتنت. جُهلێن آپ دریائے گُبّا بَدِتنت.